屋企雪櫃有2舊〝五花腩〞，於是我上網搵下食譜，我搵到好多，但係〝Towngas~簡易梅菜扣肉〞這個比較易。
我原煲上、加左3小舊冰糖和除左個獻汁改左用卥水汁外全部都跟足，但係個汁都鹹，點解呢？
佢地各人都話〝OK〞，老公和肥仔都有添飯丫！今次連我自己都有吃，我要試下味有機會既話整比老爺食，因為佢好鍾意食〝梅菜扣肉〞，其實，我都未食過係咩味，下次出街試下先。
阿媽話D肉唔腍，所以我再炆耐D，原食譜可以去〝簡易梅菜扣肉〞睇下。
簡易梅菜扣肉
材料：
五花腩豬肉 2件
薑 8片
蔥 4條
調味：
紹酒 2湯匙
水 3杯
梅菜(切碎) 3棵
糖 21/2湯匙
冰糖 3小舊
獻汁：
卥水汁 11/2杯
做法：
1. 五花腩肉括淨毛，放蓋面水加薑4片及蔥2條出水10分鐘，取出沖淨。
2. 卥水汁、水、冰糖及其餘薑蔥煮滾。
3. 將腩肉放下汁內，加紹酒，改用中慢火炆45分鐘。
4. 腩肉取出切厚片，排放碗內。
5. 梅菜與糖拌勻，舖於肉面。
6. 汁淋於肉面，隔水蒸半小時。
7. 用中小火炆30分鐘，即成。(因阿媽話唔腍)
我都好鍾意食腩肉, 不過唔敢食咁多, 但係咬入口果種肥肥地, 又淋淋地o既感覺, 真係好正. 睇到你d五花腩..............流口水.
回覆刪除[版主回覆04/17/2008 21:19:00]我唔吃肥豬肉，但都食左少少丫~
好野味既餸 【瑤柱雞粒蒸滑蛋】既做法 1)雞粒用鹽﹑生抽﹑生粉醃o左佢 2)瑤柱洗淨，隔水蒸熟後弄碎 2)中火蒸蛋10分鐘，最出待用 3)蒜茸及乾蔥茸下穫爆香，加瑤柱及雞粒炒勻 4)水﹑生炒﹑生抽﹑蠔油做茨汁加入黨 (3)之中，完成後淋於蛋上即成 我是沒有跟足食譜之份量 ，因每人用的份量不同，故我不會註明調味料之份量 ，你可按照自己喜好調教
回覆刪除[版主回覆04/17/2008 21:20:00]多謝你既讚賞和食譜，有機會我一定試試。
我想問點整格仔圖呀,可以教下我嗎?
回覆刪除[版主回覆07/30/2008 07:35:00]上面6格仔既相~係用Photocap整架！你可以係版面自己併砌相片或入去〝大頭照〞入面自己set格數，大概係咁，你download左之後我再教你，因為咁樣講你可能會唔明。