之前已約左老爺今日坐纜車去〝大嶼山～寶蓮寺〞睇大佛和食齋。
今朝早眼眉跳，好在左邊啫！左吉右兇嘛！唔係就有機會被困喇！
尋日天氣報告預測今日會落雨，我地上大佛時有少少陽光，
而回程坐時睇到車窗有少少雨點，在戶外時冇落雨～真係多謝上天眷顧。
尋晚已像小學生去旅行咁執好雨傘、毛巾仔、水、太陽油‧‧‧等等。
我見太陽不是太猛，雖然有帶太陽油都冇搽，結果就黑左少少喇！我係好易曬黑。
老公約左老爺在我地家附近集合，然後一齊去。
我地途經地鐵站附近有人派發〝Lipton〞熱朱古力沖劑宣傳產品，
我回到家時發現杯上的人係〝張敬軒〞，但佢個妝脂粉味好重攪到佢好肉酸。
我早上八點幾起身吃左個杯麵，而老爺就自己飲茶，老公當然乜都冇吃喇！
叫佢野D野食先飲奶茶都唔肯~削胃嘛！原本一支滿老公好快就飲完，
問佢好唔好飲？佢話好飲仲好飲過樓下茶餐廳，咁都係8蚊支仲要係冰鎮~抵！
我坐巴士時見到老公嘴邊有剃剩左條鬚，於是我就搵2個一蚊幫佢夾，
但係得一個，而5毫子就好多，所以就用5毫子去夾，但好難夾。
到達東涌後老公在遠處已見到纜車唔郁~唔通冇開？一場去到緊係行去睇下喇！
老公仲話纜車內有人，但我睇唔到喎！我問電梯口的服務員〝有冇纜車坐？〞，
回覆有~但係技術上問題暫時未得，大家仍抱住希望上纜車站看看。
上到去行近D睇纜車內真係有人架喎！嘩~係山上果D又大霧又高個心一定好驚。
我地都唔知等到幾時就轉去搭〝23號~巴士〞，
係巴士站都見到纜車仲未郁，唔知上到去寶蓮寺郁未呢？
等巴士期間見到有消防車添！老公話緊係纜車內有人報左警，
夜晚返到去睇晚間新聞真係有人報左警~老公真係〝料事如神〞。
雖然，我擁有肥胖既身驅，但老公和老爺都係瘦削人士，
所以我地坐3座位都坐得好鬆動，仲要比平時我與老公坐2座位還要鬆。
我係巴士上都盡量影下風景，今日好大霧能見度好低。
我地上到去纜車都未郁得，之後我就去影大佛，
因為上次我去食齋送左張有〝大佛〞的卡比我，之後阿婆都想要，
所以今次我又影和一陣拎一張比阿婆。我影左好多張都唔係咁滿意，
再影就好大霧喇！我心諗〝我係影比阿婆架！〞，無幾耐D霧就散開喇！
〝寶蓮寺〞內的情況~
我影完〝大佛〞就入去食齋喇！
你保存另一存根就可以行樓梯睇〝大彿〞入內睇〝舍利子〞。
今日係平日唔係好多人食齋比上次假日好好多，我地3個人有一個湯、飯、4個餸。
老爺和老公都係食好少野，老爺更加冇飯引添！佢地兩個都係食半碗飯，
我唔想嘥飯和餸，所以食左3碗飯，有排減喇！
每人2件，老爺怕熱氣吃左一件，所以我食左3件。我發現係用腐皮包架，
下次我又試下整先，除這碟餸外全部都食剩。
老爺唔吃辣、老公唔食豆腐和青豆，而我係這款餸只是唔吃青豆，
所以我獨力一人吃。
這款我只是食冬菇。
而這款我只吃白色一舊舊果D，所以佢地都要好努力食。
頭先食完飯我問老爺要唔要牙籤，老爺話〝佢得8牙係真牙，其他都係假牙，
所以唔駛牙籤。〞，係喎！唔記得左添！
欲知後事請到：我和老公與老爺有個約會@大嶼山寶連寺 (下集)
睇O黎果日 D 天氣真係麻麻, 又坐唔到欖車, 有 D 可惜.
回覆刪除你一個人食三碗飯!! 咁勁!!! 我都覺得唔應該浪費食物O既. 所以唔好嘥係O岩O既!!
[版主回覆04/14/2008 17:24:00]我除左發育時期一餐食2、3碗外都冇喇！因為怕肥，但真係唔想嘥野！雖然，我吃左3碗，但係都仲有1、2碗飯剩。