今日娣婦喉嚨痛冇返工睇醫生，醫生話遲D去睇D痰就會變色就弊架喇！而阿B就〝氣管炎〞，醫生話阿B唔好接近D煙和花，所以娣婦離開醫院後就通知肥仔，叫肥仔〝同老豆講，若然姑孻講又會炒大鑊架喇！，因為講講下我可能又會好怒氣，老豆又可能會話我針對佢。
其實，除老豆外所有食煙人士都會去廚房開抽氣扇，但老豆就係騎樓個窗到食煙，雖然，一邊窗已關上，但D煙灰都會吹回屋中，有時D煙我坐係廳都會聞到。
我諗既然去荃灣就順便去〝橘子〞買野和去行下〝吉之島~十蚊店〞買個箱仔放我烘焙材料。我一心想由〝廣安〞行去〝荃灣廣場〞，因為都唔係好遠，有時間中同〝熊貓姐姐〞食完都係抱住阿B咁行過去。我行到中途才記起忘記問下娣婦有冇問題，娣婦都覺得遠想搭的士車，但坐的士又近得滯，而附近唔多熟好似冇車搭。
我地繼續行，行行下見到有個小巴站個牌寫住可以去到〝荃灣西鐵站〞，於是停下等車，好快有車喇！中途有個站剛巧係娣婦個西醫附近，所以我地落車娣婦去睇醫生先。診所多菌，所以我就帶阿B去〝橘子〞買野，行去途中差D〝趴街〞。
我與娣婦行到診所分手後，抱住阿B繼續行，行行下我踢到D好硬既野，繼而係我右手邊身後有個與我差唔多高既肥仔閃出嚟！原來我頭先係踢到佢隻鞋，嘩！踢到我隻腳既舊患好鬼死痛丫！佢冇理由睇唔到我抱住個小朋友，我就話睇唔到佢啫比阿B阻擋左我既視線，因為我都係係我右手邊抱住，而且佢又係從我右邊身後閃出嚟既！雖然，佢行左係我前面，但佢有停低轉身睇野，因為佢一句〝對唔住〞都冇講，所以我一直望住佢囉！但我目光並沒存在憤怒，只是平常的目光。
我見已11點幾阿B可能肚餓，所以去完〝橘子〞就去左〝山崎〞買〝11蚊~8個〞蛋糕仔吃。
然後，我行回診所找娣婦，行達診所門口就致電比娣婦，唉~有2個Miss Call係娣婦架喎！原來娣婦已到左〝橘子〞樓下，哎呀！捉迷藏添！咁樣就約左係〝佳記〞等，再一齊行去〝荃灣廣場〞。
嘩！熱死人喇~可能真係年紀大左，加上抱左阿B成個星期隻手好攰，之前問過娣婦帶唔帶BB車？娣婦想一想後不帶，去到〝荃灣廣場〞就租車。
入到去〝荃灣廣場〞真係天堂與地獄，因為條街好熱。我地租左BB車後就去開奶比阿B吃。今次去到〝十蚊店〞冇我想買既野，於是就去左〝日本城〞，其實，我都諗今日同阿B行去隔離村〝日本城〞買個箱仔，但呢到又有〝實惠〞等我格左價先買。去完〝日本城〞再去
我係〝實惠〞搵到個比日本城好箱仔，要買既野都買晒，所以就回家。
我行去搭車時又係我身後的右手邊有個人閃出嚟！於是我就同娣婦講返頭先差D〝趴街〞事件佢知，點知佢又話我知頭先我係〝十蚊店〞睇野，佢推阿B週圍行，居然見到佢推住BB都冇人讓路比佢，若然以前好少呢D事發生，以前D人見到有小朋友都會讓架嘛！
若然，因他們這樣的行為而有任何損傷會點呢？哎~真係〝一代不如一代〞！
沒有留言:
發佈留言