颱中邊爐@浣熊2008

今早十點幾老公起左身一陣見到2個〝蜂蜜蛋糕〞就問〝係咪2個都衰左？〞，好明顯喇！佢即時反應問我〝你有冇用錯粉呢？〞，雖然，我好肯定答〝冇〞！但係都驚驚地邊講邊搵嚟睇下，拿！冇丫~我D仲要係〝高~級~低筋粉嚟架！，然後就比〝Blog友仔~Grace〞〝蜂蜜蛋糕〞既作品比佢睇！我會再努力架喇！

雖然今日打風，但冇影響到我地去肥阿哥家玩既念頭。我和老公到達家樓下就兵分兩路，大家完成任務後就在集合點會合一齊去肥阿哥家，我既任務係回家湊阿B，而老公就買外賣，咁樣可以省時。

肥仔和肥阿哥返工，阿嫂飲左茶，所以老公只係買我既乾炒牛河、老公既豬扒燴飯和娣婦既楊州炒飯。今日乾炒牛河炒得唔均勻、味淡唔好吃，盒野大盒過平時和送湯係因為這個唔係茶餐。

阿B攪住我地食野，後來我就諗到叫阿嫂打機，當然係玩〝Mariokart〞咁佢咪可以坐定定囉！我地食完又玩，但我初時都冇玩，因為到肥阿哥家不久又開始眼花喇！又好似被閃光燈閃完咁，所以唔多想郁。

晏晝肥阿哥來電話佢一陣有2個同事嚟！所以今晚晚餐〝打邊爐〞。我地係廳玩緊〝Wii〞，肥阿哥就搬左〝PS3〞入書房與同事打〝Call of Duty 4〞。

佢地買左小肥羊既〝清湯湯底〞，呢個湯底好似藥材湯有杞子、當歸‧‧‧，都幾香架！

嘩！睇下有幾多野食。帶子人人都讚好添丫！所以好快售罄。芥蘭~我唔吃，佢地話好好食。打邊爐時，肥阿哥個同事好攪笑，佢講左好多野，但唔係癈話嚟架！雖然，佢係一位男仕，但係講關於小朋友既野好有見地，我覺得對小朋友有一定認識。不過，佢未結婚，因為另一個嚟既同事就係佢女朋友。