喉嚨痛、發燒

星期六，夜晚娣婦阿媽發現阿B發燒，今日娣婦冇返工，
咁應該尋晚阿B扭得好勁喇！

嘩！阿B有新奶咀喎，仲有個新喇叭添喎！娣婦話係肥阿哥買架，還有部扭蛋機，
不過，肥阿哥拎返走，可能佢未識玩掛。我都想買部〝米奇扭蛋機〞，
不過，我知老公實唔準，所以我都冇提過，咁又係對我嚟講都唔係必須品又嘥錢。

尋日阿B好扭計又唔肯食野，成日都要去娣婦到邊個都唔跟，
但娣婦抱佢都係扭又扭到〝咬〞晒腰，跟住娣婦抱佢去睇車都OK架！
不過，肥仔一行出騎樓阿B立即擰轉頭望住發脾氣，
跟住肥仔再行近D都唔得~激死肥仔。

尋晚食飯開始又扭又喊，攪到食完飯成個鐘有多都未停，所以雖則早上睇左西醫，
但食完飯肥阿哥和阿嫂都一齊陪阿B去〝廣安〞睇急症。我有事要回覆阿嫂，
阿嫂同我講佢地出左門口去睇醫生已經冇喊喇！仲同肥仔〝Give Me Five〞添丫！

阿媽話西醫和〝廣安〞都係三百幾蚊，下次都去〝廣安〞睇快好多又有位坐。
兩個醫生都係話阿B喉嚨紅左令佢發燒，加上大氣敏感有少許感冒。

阿B知道夠鐘食藥，所以自己拎定〝架餐〞先。

我比架車阿B娣婦就問〝有冇多謝姑媽媽丫？〞，佢唔講只做手勢〝請請〞。

佢玩玩下個〝史力加〞頭箍將佢放左係個肚腩到。

阿B幾叻仔拎左包野自己掹左支筒出嚟！
我放回枱佢又拎返，仲用牙咬想拎支飲筒出嚟！
然後又自己吉落個窿到，佢緊係唔成功喇！最後都係要我出馬。

阿B一早醒左攪到4點先訓，但睇左約3個字就醒，於是我與娣婦就帶佢落街行下。
咁乖自己拎住飲咁耐，就緊係〝寶礦力〞喇！頭先跑呢邊面仔擦左落地損左少少。

佢走到濕晒娣婦幫佢潑涼，睇下佢幾爽！

返到去一陣又要出街，佢拎件衫比娣婦示意要換衫，
娣婦整估佢話〝你係咪叫我換衫丫？〞。