點包丫？

早餐食炒麵，行入廚房冇晒〝Tabasco〞、桂林辣椒醬，正當失望時就見到購自大澳~XO醬，咁就拎嚟撈麵喇！

明天和後天老公都放假就叫我拎定米和江瑤柱夜晚就不用愁脹食乜喇！諗唔到就可以食佢地勒！所以我又拎埋冬菇隨時又可以炒米粉吃。大家都見我沒什麼機會係老公家煮飯，若果買左這些野都唔知幾時會食，食又唔常食、搬又要搬多D野、又霸住D地方，所以有好多野都唔買住，好似呢D咁要就係屋企攞D囉！

今朝想煮碗仔翅吃，但係好似今朝先貼紙通告早上9點至下午5點半冇水，所以冇得煮。

阿媽買左D手切肥牛包金菇，我一聽到就話唔整，手切喎！好厚架喎！又難熟又靭，阿媽話果個人話肉質好〝淋〞架！我望一望牛肉唔包喇！咁厚點包丫！煮〝麻醬洋蔥炒肥牛〞，但有2包金菇喎！

雖然，口話唔包，但個心都諗住包既，另一方面就諗真包唔到就真係〝〝麻醬洋蔥炒肥牛〞，咁金菇點整好呢？我要下星期一先上嚟！我成日都係咁樣會諗下對策到時應變。

傍晚時份開始整餸，這堆手切肥牛阿媽話買左四十幾蚊。嘩！D手切肥牛，真係又厚又大塊〝岩岩參參〞點包丫？

將它切條炒〝麻醬洋蔥炒肥牛〞，睇下幾厚試問點包呢？但牛肉手感好似乾炒牛河既牛肉。

牛肉炒完又真係唔靭和肉質好〝淋〞喎！而金菇就變〝蠔菇〞即係蠔油炒金菇，不過，家中蠔油得返一湯匙，所以個汁甜左D。

再炒埋個紹菜和XO醬炒紹菜就可以開飯喇！