一啖溶化

今朝十一點到肥仔帶左阿B來老公家，仲比左今朝影既相我睇添！

我知阿B嚟就拎定之前老公話比阿B既巴士比佢玩，佢玩到好專心，
但可能車門唔識自己關門，所以只玩左一陣。

跟住見佢扭計唔知係咪肚餓，所以我就比我前日整既〝雪球〞佢吃，
起初都係佢自己要拎住咬，但咬咬下就全粒放左入口內，
冇吐回出咁就將〝雪球〞溶左喇~個口真大。

呢架車係肥阿哥晏晝時買的。

睇下又週圍〝禽〞嚟〝禽〞去！

阿B都夠鐘訓晏覺喇！阿嫂拍拍下就訓左。

訓醒覺就抓腳，仲用張〝臭屎被〞卒腳添丫！

唉~好悶丫！都冇我份玩既？

開餐喇！阿B聽到肥仔食麵時〝殊殊〞聲就笑得好開心勒！

食完野睇波唔多〝arm〞阿B，所以又走去攪娣婦勒！

以下既相係阿哥用佢部比我專業既相機影！