滿載而歸

星期五，高達叔叔約左我地今日去旺角行街睇玩具。
尋日玩完〝Wii〞可能太過努力，所以今日大脾有D酸痛，上落樓梯都行得好慢，
有時仲要〝参扶〞添！又加上連續2日都夜訓早起，
攪到D骨都好痛行行下街頭都痛埋，行到晚上8點幾頂唔住吃左粒長效。

今日唔係齋行架！我地每個人都有買野架！
不過就買唔到尋日係肥阿哥家睇到的盒，阿嫂係〝愉景新城~DSC〞買，
我去旺角果間冇，售貨員話呢到冇家品，這點就係今日唯一失望既地方。

但出去前我將尋日既〝長法包〞變做〝香草蒜蓉包〞焗完後仲脆仲好味。

我係〝長法包〞上搽左〝香草蒜蓉醬〞，有D仲加左生蒜蓉包，
我仲拎埋出街一路行一路食添！咔~咔~咔~

我地係太子食完野就一直行過去旺角睇野。我係〝Clipper〞又有買野！
這間店又做緊全店半價。原本老公唔比我買這個〝麻袋〞，
佢話我有好多個環保袋，雖然，我係有環保袋，但唔多。

這個我可以除左當環保袋用，仲可以出街時當做手袋用，都只不過係16大元。

之前買過〝絲瓜刷〞，不過，用緊果隻大我滯同埋唔知點解黑晒。之後行左去〝吉之島~十蚊店〞~我和高返叔叔都有買野。

我地行到天都黑，經過有檔野叫〝肥媽〞係賣〝卥味〞。
N年前我、老公和熊貓姐姐經過想食，熊貓姐姐話雜誌都有介紹過，
但我地企左好耐都冇人理，遲過我地都買完走，咁我地咪走唔食囉！
前排都睇過電視〝香港筆跡〞有個食評家都有提過下。

今次我地食到喇！味道都冇什麼特別，食評都話冇咩特別，
不過就係佢兒時食的風味。

高達叔叔知老公喜歡巴士，就臨近老公生日高達叔叔就叫佢買架巴士，
佢出一半價錢，我地就行左去〝朗豪坊~80M〞買勒！

我成日都想買架可以開門既車比阿B玩，但係多數都係開唔到門既，
頭先係80M比我見到，所以叫左老公買。

我叫佢地行先唔好等我，因為我大脾好攰和酸痛要行〝傷殘通道〞，
我自己慢慢行影下相，我原先想影2邊花架！
但係個〝實焦〞企係到唔走，所以影得一邊咋！

望落去見到這2個野好靚，所以就落去影，中間果幅係我坐緊扶手電梯影架！
都算清楚喇！

之前係上面都睇到有好多銀色一舊舊野，落到去見到有好多展品。
原來係朗豪坊攪既〝朗豪坊12星企劃~朗豪坊x川端英樹星座模型展覽〞。

我見高達叔叔用電話影呢D貼係枱既貼紙幾靚，所以我又貪高興影下。

臨走我仲影左屬於我星座的〝處女座〞和屬於老公的〝白羊座〞。

走時先睇到朗豪坊出面晒Banner做宣傳這個展覽。

我地一見面就問晚餐食乜，直到而家9點幾都冇頭緒，
佢地企係〝朗豪坊〞食煙時見到對面有〝一壽司〞海報廣告，
就話去試但唔知好唔好食。我地行過左馬路後又見到〝星加坡餐廳〞，
阿姐比左張傳單我地睇！

佢地話唔知好唔好食？我話尖沙咀果間好食，
不過，呢間唔知，咁樣大家就上左去試試。

我食〝紐西蘭肉眼扒〞一般、高達叔叔〝美國羊扒〞OK，
而老公〝大蝦牛柳〞牛柳就勒，因為佢冇問老公幾多成熟就煮左全熟，
但肉質唔差唔係咁勒就〝Prefect〞喇！

我喜歡餐廳內的吊燈，基本上我都好喜歡懷舊野。