自家制藍莓醬 (內附食譜)

我想整左好耐架喇！就係〝自家制藍莓醬〞，我~好耐~好耐~之前係〝牛媽媽〞的Blog睇到〝自家果醬〞，今日終於有機會整喇！

自己整唔駛下下都要出去烘焙店買，做法又簡單，而買一盒又太多用唔晒，又要不停整直到用晒為止，自己整果醬可以自己預份量就唔會嘥喇！

我用左原食譜1/4的份量，起初煮呢個醬時都有D疑惑〝係咪真係唔駛用水呢？〞，中途都有諗過加水，但煮煮下就知真係唔駛加水架！我用左個樽裝起放左入雪櫃。〝牛媽媽〞話自家做沒有防腐，不能存放丸耐，約一星期便要吃完。

自家制藍莓醬

材料：

鮮藍莓           125克

黃糖               3湯匙

橙汁               1/2湯匙

橙皮屑           1/4湯匙

做法：

1.           將材料放入煲中煮滾，收慢火，煮至稠身，約二十分鐘即成，其間不要令果醬焦乾便可。

***可改用其他鲜果如士多啤梨，奇異果等，但糖份可增加一些。***