阿婆~擔心不矣

尋日帶阿B睇完醫生回來見到細舅父和舅母嚟左，我諗可以係有關細舅父的病，於是我問細舅母關於細舅父的病況。

今日細舅父要入院驗血，又要驗肝功能如何才決定幾時做手術，但係點解一切都可以咁快既呢？政府D野唔係要排好耐既咩？我諗可能因為有私家醫生的推薦信掛，封信係寫左緊急的。

阿婆與細舅母閒談間聽到阿婆腳痛，今朝都見佢貼左膏藥，但係陪阿B去睇醫生未有時間問，而家有時間咁我就問下阿婆點？阿婆話痛左好耐，痛到唔係好訓到，阿婆洗白白後撕去膏藥，見佢隻腳都腫腫地，咁我就比左肥阿哥上次比我罐〝麝香壯骨膏〞比阿婆。

之前都教過阿婆腳痛隻腳熱就用凍水敷，而腳凍就用熱水敷，我都係用呢個方法。尋晚臨走前我幫阿婆貼左膏藥先，阿婆怕明天洗白白麻煩，咁到時我幫你包住佢咪得囉！

今朝老豆、細舅母都陪細舅父去左醫院，我回到家仍聞到膏藥味就問阿婆如何？尋晚訓到，好左一半喇！不過，訓時膏藥鬆脫，所以我就用醫生膠布幫阿婆貼住先。

阿婆話腳痛唔係好想食野，而家加上細舅父的病，更加冇胃口，我見阿婆都講到〝眼泛淚光〞，所以之前整〝蜂蜜蛋糕〞都係想整比阿婆食，因為佢好喜意食蛋糕。

細舅母都話去過幾間廟都話細舅父冇事，但阿婆仲叫細舅母去另一間問下，我話呢D野唔好問咁多，因為我八卦聽埋有好多野，但我唔迷信，合聽就聽、唔合聽就當冇聽過，我係咪好似〝八卦師奶〞呢？