開心到振~

今日真係開心到唔知點樣形容吖！整包又順利又好味，老公又幫手，
而出街食左2餐都好好味，令我信心返晒嚟~今日真係Prefect Day！
不過，高達叔叔就嘛嘛喇！
佢今日〝掃墓〞後會嚟我地到再砌模型，所以我地就唔等佢去食野喇！

我與老公晏晝一點幾去左〝葵涌廣場~草根食堂〞食野，
老公食〝一號餐：乾炒三絲銀針粉〞~好食過樓下，不過就好油，
我見到每條粉都沾滿油，而我就食〝2號餐：龍蝦忌廉汁雞皇飯〞，
但係買晒得番一號、四號，咁我唯有食〝四號：香草檸蜜烤金沙骨飯〞。

這個飯有八舊金沙骨架，汁又好味，呢間野N年前去過2次又貴又唔好食，
不過，唔知係咪轉左廚師好左好~好~好~多。

我地係食野前去左〝葵涌廣場~果子烘焙〞到入貨，
因為要買高筋粉預備一陣整包用。我預算都係買2舊無鹽牛油，
不過見佢減價15蚊舊咁平就緊係買多一舊喇！
再買埋蜜糖預備下次整鬆餅時用，老公話鬆餅冇蜜糖唔好喎！

食完野又去左買包包餡料，磨菇得原粒買左返去就自行切片，
切切下又記起上次話左下次切粒，所以今次有D片有D粒。
我覺得切粒好過~易食又易裝入個批內。

高達叔叔就係要砌這個手版高達模型，要成$360我就唔捨得喇！
有時我整下包行出廚房見到佢好似D阿伯〝刷假牙〞咁笑死我。
頭先話佢唔開心係因為個手版模型造得差，佢講過話唔再去呢間買，
但自己又走去買，咁緊係會有D唔開心喇！

有時又見佢好似〝玉石工人〞係到磨玉石咁，全部都好似阿伯工作咁既。

頭先點解會話今日好開心呢？係因為我好成功地做左〝白汁雞包〞和〝芝士包〞。
這2款包都好香軟鬆軟，因為我尋晚專登做左個〝麵包種〞嚟做包包。
麵種由尋10點26分雪到晏晝2點57分先回溫比上次耐左，
我將2個包都用同一個麵糰食譜做，所以就一齊焗。

不過，原本只做〝芝士包〞但老公唔喜歡吃芝士，
所以我諗做多款老公喜歡的〝簡易雞批〞，順便攞少少做〝白汁雞包〞餡。唉！
〝簡易雞批〞上面有野既！上次〝雞批〞都有晝架，
不過，自己冇記性攪到食晒都睇唔到之嘛！

這3個字要我講就講唔出，所以我專誠寫嚟送比老公架！

今日我用電動打蛋器攪麵糰部機發出〝燶〞味就向老公救，
跟住老公就用機幫我攪麵糰，咁我自己就可以整雞扒又慳返D時間。

我星期一要係屋企拎埋另一部電動打蛋器先，咁下次真係出事都有後備嘛！
不過，希望這部唔好壞喇！是關佢有5段速度打發都可以快D嘛！

睇下老公幾抵錫幫我攪到個麵糰又薄又靚！仲可以拉到咁大張添！
我一讚佢咋~佢就〝橇屎〞喇！我原本做每件事的時間唔多吻合，
好在有老公幫手咋！多~謝~老公。

夜晚老公話出街食，佢老公由上年恨食〝煲仔飯〞架喇！
上次夜晚行過見到我間中去買早餐既茶餐廳夜晚有煲仔飯食，
咁我地就去左試食喇！

大家係咪見到碟飯好肉酸呢？因為初時老公唔準我影相，咁我咪食囉！
之後佢和高達叔叔個〝排骨煲仔飯〞到，我見到好靚心想影但係‧‧‧。
老公見到我對它讚口不絕，所以叫我想影啦！