架車係咁玩架？

早上帶阿B落街，唔知係咪眼訓唔肯落地行，
到左食完晏晝飯就好快訓左，仲訓左2個半小時。

晏晝見到阿B突然企左係架車seat位個內格到，佢企係到睇電視。

之後又爬左上櫈上睇電視，佢睇睇下又企起身睇好鬼危險。

我地到左Tea-time時，我比阿B自己拎住威化餅食食左1塊半，佢好乖冇整爛到。

朝早應誠左阿B晏晝同佢去〝惠康〞，所以4點幾通知娣婦我一陣帶阿B落街，
睇下可唔可以就佢既放工時間。

阿B係臨出門口先痾臭臭，所以娣婦比我早到，阿B訓飽又食飽，
所以今次肯自己行、跑，仲玩到唔捨得走添！係我與娣婦夾佢走咋！
返到去又要食生果喇！個口真係唔停架！

佢玩玩下又企入去架車既入格到，娣婦話佢有一排都係咁，
但停左一排架喇！而家又玩返。