Wii~破記錄

5 March 2008

尋晚叫老公搵左肥阿哥和阿嫂問〝今日可唔可以去佢到？〞，佢地冇問題，
但肥仔要〝OT〞，而娣婦就帶阿B回娘家吃飯，咁就得我與老公去。

我係早上用尋日用剩的麵種做左〝長法包〞和〝硬餐包〞，
不過，未試食過唔知好唔好吃，但係個皮就冇街買的咁硬。

麵包係焗爐焗緊時，我係廚房洗野聽到老公大叫〝D包發到好大丫〞，
等我以為咩事？D包係咁架。

我本想整埋蒜蓉包去肥阿哥到，，由於時間關係冇整到，
只係拎左尋晚整好既〝白汁雞包〞、〝芝士包〞&〝雞批〞。

望下個鐘已經4點幾，所以老公就係樓下茶餐廳買左外買食埋先上去，
我一聞〝乾炒牛河〞就知唔係老闆炒，老公話係丫！剛見老闆出去送外賣。

老公受上頭吩咐要問公司個〝Part-time〞D野，不過，要用〝SMS〞溝通，
因為佢係〝聾啞人士〞，但老公睇到佢回覆唔多明佢講咩？
又怕佢好似上次咁抱埋BB返工司傾，而佢又住係我家附近，所以就約左出嚟傾。

我地見面後老公同佢講我想見佢個BB，所以佢就回家抱BB出嚟！
嘩！BB只係著件薄棉夾乸衣，見到佢隻脾一節節~幾勁丫！佢話阿B好黏身，
佢唔係到就會喊。我抱起阿B不出5秒就喊，我〝愷〞佢停左1、2秒又喊，
最後都係比番佢。之後我都有同BB玩，BB仲同我講野添！BB骨好硬，
因為我抱佢只感覺到BB隻頸軟，其他地方都好挺直而有力。

我地去到肥阿哥家就比阿B既短片肥阿哥，仲叫佢睇有D好攪笑架！
真係笑到佢地碌晒地。

頭先睇短片時肥阿哥話比2隻〝鮑魚〞我自己整嚟食，我話唔駛喇！
佢話有好多，但係老公家個雪櫃係原本有係單門四方細雪櫃，
所以我地搬先要買雪櫃，但個雪櫃唔知點解放雪糕會溶晒！

跟住就玩〝Wii〞，每次玩老公最想知就係我有幾重。
今次肥左成6磅幾，但可能唔止，因為我簡左厚著減2.2KG，
我都要諗下辦法攪掂我D〝BB脂肪〞先得。

今次我破左〝左右轉呼拉圈〞、〝滑雪~高級〞、
〝碌波波~高級〞3項記錄，〝扮企鵝~吃魚〞我有2次差少少就破記錄，
若果唔係唔小心跌左落既話就‧‧‧~激死。

我通常太耐冇玩既野會唔記得點玩架嘛！
但估唔到今次停左咁耐冇玩，成績會仲好過之前添！

阿嫂係第一個試雞批，阿嫂脫唔到模索性用叉食勒！
而老公亦都不能脫模，我尋晚都可以脫到模~可能凍左。

突然，我聽到肥阿哥話開冷氣，吓！開冷氣？我都覺得熱，
但仲可以接受，阿嫂話尋日已經開緊冷氣喇！

晚餐唔知食乜？叫外賣又唔知吃乜？大家都冇意見底下阿嫂就話煮麵勒！
後來老公介紹上次〝濃心~泡菜麵〞好味，阿嫂話不如一陣試下，
老公就落左去〝惠康〞買。

阿嫂比左盎〝XO醬〞我，而肥阿哥執屋時執到有個〝Pingu〞袋又比埋我。

之前肥阿哥結婚話要減肥借左我條腰帶去用，而家執屋就還番比我，
仲有個按摩器肥阿哥見我放係屋企冇用，所以借去一用。佢問我按摩器用唔用？
我話成日都唔記得用~你唔用比番我先，原本佢想比番我，但佢跟手又開左用，
用用下又話好舒服，最後都係冇帶佢回去。

頭先肥阿哥買定〝朱古力奶〞預備明天比阿B飲。

肥阿哥同事去泰國買左一個〝汽水匙〞比佢，但跌爛左，佢上次去泰國買返！
我係廚房雪櫃見到這個〝汽水匙〞好得就影。

雪櫃仲有這幾條魚。

食完飯我叫老公打一陣〝Call of Duty 4〞先回去，
點知佢愛不惜手一打就打到零晨3點幾，我都怕阻住肥阿哥和阿嫂休息，
所以之前都有暗示過叫走都冇反應，仲要我〝晝晒公仔晝晒腸〞叫佢先走。
坐電梯時問佢〝你係咪唔捨得走丫？〞，係丫~都有D唔捨得架！
我諗唔係我叫佢走都唔知幾時走，我明天仲要整包架嘛！
又約左高達叔叔行街喎！哎‧‧‧。

頭先老公打機我無聊得滯咪同公仔影下相囉！