多事幹

阿B真係〝多事幹〞點解咁講？因為阿B又發燒。
原本娣婦話明天要帶阿B去打〝肺炎鍊球菌〞針，問阿B係咪唔想去打針？
唔知明天要唔要同阿B去睇醫生呢？

今朝我返到去見肥仔既物品係餐枱上，就問阿婆〝肥仔係咪冇返工？〞，
阿婆話肥仔係房陪阿B，過左一陣肥仔就抱住阿B出嚟！肥仔話阿B好似有D燒，
我話剛訓醒係熱D，不過我就冇摸過阿B。

我食完早餐，而阿B原來係我上嚟前食緊奶架喇！不過，佢又唔食就同佢落街，
於是肥仔叫我帶埋阿B落去食早餐，然後佢去睇醫生。

今日醫生休息，我地就行去隔離村睇，另一個醫生又放大假，由另一個代替，
但佢十點半先應診，仲有1個鐘，就帶阿B去左公園玩，到咁上下就回去診所，
差不多全程都係抱住阿B，抱到手都軟。

肥仔11點幾開左奶比阿B食，一陣佢就訓左。等阿B訓醒，
而我又執好野就落街食lunch，果時都4點幾。食完野去左〝惠康〞行一陣，
入到去阿B就肯行。

我五點幾發現阿B額頭好熱，一探就〝101.4度〞~哎！
到7點幾再探〝101.6度〞，跟住就食藥。阿B係唔係好肯食野啫！
其他都好正常。拿~睇下佢幾曳成日都倒轉頭睇野。

頭先去〝惠康〞肥仔買左包芝士腸比阿B，到娣婦放工返嚟！
又買左2包芝士腸比阿B，兩公婆心有靈犀喎！

夜晚開餐立即爬上櫈霸位喇！但係冇乜食飯，只係攪攪振。