兵敗如山倒

今日去左熊貓姐姐屋企耍樂，不過，唔係一早約定，而係臨時約的。
佳因〝至Fit姐姐〞老公去左美國公幹幾日，所以佢回左娘家幾日，
佢同熊貓姐姐約埋食野講開，昨晚阿媽和阿哥返夜得自己一個人，
而隔離鄰舍又打麻雀攪到佢好寂寞，所以就臨時約〝開枱〞喇！

我要拎埋〝Notebook〞去，因為前日和尋日的Blog仲未寫，
不過，Notebook重老公唔多想拎去。我寫下又耍樂下咁喇！
不過，今日我與老公戰績真係不堪一提，慘不忍睹。

我地約埋一齊食Brunch，轉左去一間上次叫外賣等左好耐，
而熊貓姐姐常常幫襯的茶餐廳。我係我的湯意內夾雜左一條〝生秀鋼絲刷〞，
但D野食味道唔錯，如果下次要去我都會去。原本食完才向收銀講，
但係比錢時收銀講緊電話，最終都係冇講，
這次係我人生暫時第二次係茶餐廳食到有鋼絲刷。

我地去到熊貓姐姐家就叫我地去睇下佢個囝囝，
因為佢地將它的骨灰拿了回家擺放，佢地擺左係書房，前面仲放左罐貓罐頭添！
阿囝你唔會寂寞，因為你老豆成日都會係書房架嘛！

這幅相係相中相，因熊貓姐姐見佢地3隻一齊食野好得意，所以影左又曬左杷，
我見到咁得意又影下幅相 。

尋日阿囡成日都訓係到好少出動。

熊貓姐姐話佢而家開始要抱，以前佢唔駛人抱架！細B成日都係呢到行嚟行去。

睇下佢圈埋成個波咁，熊貓姐姐話佢係最肥果隻同埋甩得最多毛。

其實，我成日都想問熊貓姐姐放係電視櫃頂層的阿Pooh扇，
係咪我上次係日本送比佢既手信？尋日終於記得真係我上次日本的手信。
上次都係好耐之前，我都好耐冇去過旅行唔知幾時會再有機會去呢？

熊貓男(熊貓姐姐男朋友)剛打完〝War Game〞回來，
過左一陣就問我：「你係咪肥左？」，我老實作答〝係丫~肥左十磅〞。
晚餐都係叫外賣都係今朝果間，但上次和今日叫外賣都係好辛苦，
辛苦在落單果個要講幾次先明，我聽熊貓姐姐好似與她溝通得好辛苦。

由於熊貓男好肚餓，所以8點幾就叫外賣，我地order羅漢齋、洋蔥牛柳、
西蘭花鮮魷、椒鹽鮮魷、瑤柱豆苗5個餸，而每個餸就附送一個湯和白飯，
等左1個鐘有多才送到，打開時發現得4碗飯才知欠〝瑤柱豆苗〞一個餸，
但錢就冇收多到係4個餸錢。

我與熊貓男都肚餓，於是熊貓姐姐就打去追回，原來冇晒〝豆苗〞，
但又唔出聲喎！然後轉〝馬拉盞通菜炒牛肉〞，不出5分鐘熊貓姐姐電話響，
茶餐廳來電聽到佢地對話好似話老闆話唔過三十蚊唔送貨，
唔係掛唔送夾埋頭先果D夠有凸喇！我地在旁爭議，
但熊貓男2次都在旁叫囂場面，我話你唔去直接對話？
佢話咁樣仲好，我都同意，場面好攪笑~好似個大細路咁！