今年新年阿媽買左樣野回來，我抓爆頭都唔知係咩？咁緊係問阿媽喇！〝夏威夷果仁〞是也，但唔係平時見開咁既樣，係未剝殼，還附送左一個銀色野比你開個殼，幾經艱辛先開到，用呢個野好難開，用螺絲批快好多。
阿婆和阿媽都話冇餸，晚餐食豆豉鯪魚和煎午餐肉，又係食呢D，我諗最快就係煮〝粟米碎肉〞，於是我就叫娣婦放工買2罐粟米湯回來，再整多個〝粉絲紹菜炒瘦肉〞。
跟住阿媽又開左〝保衛爾〞比阿B撈飯吃，嘩！正野緊係叫阿媽比D我撈飯喇！有幾正睇下阿B就知喇！張到個口幾大！好耐都冇食過喇！記得細個時〝保衛爾〞都係貴野嚟架！雖然好食，但唔係成日都有得食。
保衛爾〞牛肉汁記得細細個都有睇過佢o既廣告, 不過我都唔記得我有冇食過, 事關阿爸阿媽都唔食牛同唔會買牛肉俾我地食, 所以都無印象, 不過都知係貴o野!!!
回覆刪除阿 b頭髮長得真係好快, 好依都唔係剪o左好耐咋麻.
[版主回覆04/24/2008 14:05:00]〝保衛爾〞有廣告我唔記得，我只係記得好貴、好味 ！(←為食鬼) 阿B頭髮長得好快，之前話同佢去剪，但係佢又病，而家要等佢病好先剪得。
個廣告好似係有個男仔o係度食緊唔知粥定係飯定係d乜咁. 我都唔記得. 睇過呢個廣告o既人年紀都唔細得去邊, 唉....d時間點解過得咁快 o架?!!
回覆刪除[版主回覆04/24/2008 14:17:00]無理由架！我與你年紀差唔多啫！點解我會冇印象既呢？有時間上網搵下段片先！
我諗我大你小小, 就係果小小.....你未出世, 所以你無睇過囉. 哈...
回覆刪除[版主回覆04/24/2008 15:52:00]真係~不過，睇阿B大家就知咩喇！真係歲月催人‧‧‧ 。