如期進行

今、明兩日老公放大假，尋日我忘記左Off個鬧鐘，所以今朝就比佢嘈醒左，然後懶下床又訓下攪到約9點就起身。

我執自己部機時發現〝C齋〞冇乜位，就搬左D野去〝D齋〞，又發現寫Blog某D相夠燒一隻碟，於是就開始清檔燒碟行動喇！期間我又執下野，因這2星期買左野、肥阿哥又比左D野我積埋有好多野堆係電視前，所以就邊執野邊清檔燒碟。

老公訓到2點幾起身，之後一齊去左大家樂食〝Brunch〞，係行去途中叫老公與老爺聯絡一下，因為星期日老爺通知老公佢要回鄉，老公都有向老爺提過10、11號其中一日會去〝大嶼山~寶蓮寺〞食齋和睇大佛，其實，尋晚都叫過老公仍未能老爺聯絡上，到而家老爺電話仍未接通~咁點好呢？唔通白白嘥左2日假？

我地食完野就麵包舖買包，我買左隻熱狗唔喜愛吃青瓜將它棄掉了，但我很喜歡吃〝麥麥〞的酸瓜。老公不喜歡吃酥皮蛋撻，所以買得一隻撻比自己，而老公就要左半磅方包。

回家途中老爺回港來電，老公就約左佢明天去〝大嶼山~寶蓮寺〞食齋和睇大佛，我不停聽到老公話〝唔好~唔要~〞，究竟攪咩呢？原來老爺帶左D〝汪汪肉〞回來話比D老公，怪唔之得老公有咁既反應喇！傍晚天氣報告預測明天會落雨，希望唔好喇！

晚餐都係買燒味飯吃，不過，加左價仲要加左2次添，而家食得又貴唔食得又貴，總之乜都貴。

老公話明天坐來回纜車，我聽到就話我唔畏高，但〝昂平360〞真係好高都驚驚地。我唔畏高都驚，老公有畏高咁咪‧‧‧~真係錫我地勒！然後老公上網查左巴士既資料就改為去坐〝360〞，而回程就坐巴士。

明天不用陽光普照，只要唔落雨已足夠。