尋寶@老公生日2008

~又老一歲喇！不過，唔緊要有我陪你。

雖然，今日老公生日都要返工又係夜晚8點先來到我家吃飯，而我又係湊阿B，
晚餐又沒什特別，但我feel到老公好開心，
因為我送左佢最喜歡的〝龍貓巴士〞比佢。
老公唔好咁開心丫！唔係呢架丫！比你睇下架咋！

尋日到今日我都冇特別表示，直到今晚我趁佢洗白白就開始〝Big Plan~Part 2〞，
我用2隻double既公仔壓住張便條放係厠所旁的櫃上，
然後就收埋其餘7隻等佢自己搵勒！

佢白白完見到張紙望到實一實個樣有D古怪，我都知佢諗咩架勒！

我：你係咪以為舊果幾隻丫？

老公：係丫！(佢傻笑)

我：咩丫~新架！唔係舊架！

然後就開始搜索，我估佢最尾先會搵到既佢居然係第一隻搵到(第二行第二隻)，
佢搵到5隻就以為遊戲完結，我話未完架！紙陣果2隻唔列入7隻內，
跟住不出一分鐘就搵齊喇！老公集齊後欣賞時發現‧‧‧

老公：唉！龍貓巴士有2隻一樣既？

我：係丫！仲有2隻都係一樣架，我都唔知係咪比人厄？

老公：幾多錢？唔好買丫嘛！

我：今次價錢可以買到之前2套，不過可能佢自己都唔知冇心既。起初都唔知買咩？咁橋星期日被我見到有呢套野，咪就買左佢囉！

詳細情況我就叫佢睇我個Blog〝暗地裡預備禮物@老公生日2008〞睇，
因太長篇我唔多講，佢睇睇下就笑〝都話我冇聽錯，
阿公係話旺角架喇！〞，我就大笑勒！然後，佢叫我行過去，
我知佢想做咩緊係唔行喇！應該係佢行過嚟架嘛！一D誠意都冇，
之後又借D意叫我過去睇下隻龍貓，算喇！我行過去佢就錫左我一啖勒！

我心諗~其實，較早前都有問過〝Blog友仔〞自己DIY一樣非常實用，
而且每日都會帶出街男女均合用，不過研究左一半，另一半未有時間研究。

之後我問佢係咪尋日已經知道喇？老公原來一D都唔知。尋日幫我係袋拎相機時，佢居然睇唔到有個A4size透明白色內面有張紙印左之前既龍貓小擺設，
等我仲擔心你冇驚喜添！真真奇怪~點解咁都睇唔到既呢？

老公話多左果2隻拎回公司擺，見佢睇得咁開心就問要唔要一套咁睇呢？
佢話唔駛明天先，我就立即開抽屜拎埋上次果D出嚟！
老公又笑話〝前晚你拆箱就係搵呢D野丫？〞，係丫。

我又問老公我叻唔叻丫？我趁你訓左就影相，老公係到笑，
我影到一點幾先訓架！跟住朝早趁你未起身將D相合併再印出嚟！
因我怕有重覆嘛！有得對好D，但點都係有~失敗。哈~哈~老公都讚我叻丫！
但又係我要提佢先讚我既！不過，好過冇喇！

我見好攰就叫佢訓先唔好等我，佢又係不出5分鐘就訓著。

我送左生日禮物比老公，又送份小禮比自己。

頭先開門發現隻手瘀左和有少少腫，老公問點解？晏晝開燈時，
自己唔少心〝鑿〞左落支三角鋁鐵角位到，整到時都係少少痛，跟住都冇野，
所以我都唔知〝鑿〞到咁樣。