無腰骨

前日已約左今日去肥阿哥家玩，尋日肥仔來電叫我今早九、十點要上去湊阿B，
因為佢11點要外出。今日我要去睇醫生，咁唯有帶埋阿B去，
然後一齊去肥阿哥到。

老公坐坐下怕阿B會跌想與我換位，你用手〝咔〞住佢咪得囉！
跟住老公又話佢坐到〝pair〞晒，咁就比個背囊佢攬住。

每次與阿B睇車我都會用手指住話佢知呢架係咩！果架叫咩名！
所以有時佢見到車都會用手指指住話你知架！

見佢〝悶悶不樂〞就叫老公比餅佢食勒！

阿B攬得個背囊咁實做咩丫？

到達診所見到我地飲水佢又要飲〝貪高興〞。

離開診所就前往肥阿哥家，阿B睇得好肉緊丫！

睇下佢又坐到〝pair〞晒喇！

阿B而家好鍾意訓係地下，有時仲係地下碌添！

阿嫂話〝尋日阿B成日拖肥阿哥去拎提子食〞，今日阿B聽到提子就有反應喇！
阿嫂放左D係枱就立即爬上櫈拎嚟食，全部都係佢自己掹架！

娣婦放工買〝吉野家〞給大家一齊食，每次阿B都會食薑架！仲食得好滋味添！