尋晚吃晚飯時我同佢地講唔好再蒸豬肉比阿B，因為佢地話蒸完豬肉鞋唔比佢食，只比豬肉汁佢撈飯吃，每日都成十蚊豬肉架！而家豬肉咁貴，而且我覺得好浪費囉！我叫佢地不如拎D錢去助養兒童，因為尋日睇電視都係一日7蚊之嘛！寧願去做善事好過浪費吖！
今朝一早阿媽又同我講〝唔係企係到同阿B洗白白，佢未得架！〞，跟住我有少少怒氣講同阿B洗白白情況，佢同阿B洗白白都係用條濕手巾仔蓋住佢背脊咪仲容易冷親，條毛巾會凍架嘛！佢話唔會，我用花灑無時無刻都用淋佢架喎！
阿媽：又話咁快比短袖衫佢著？
我：唔係我比佢著架！尋日我都問肥仔阿B著得短袖衫未？佢都話未，但轉頭洗白白後又比左佢著。
阿媽：阿B身體夏天都要著長袖。
我：你地成日都咁呵護佢緊係喇！你估個個出世身體都咁好架！有D係練返嚟架！而家都盡量比晒你同佢洗白白費事煩。
其實，攪到我好似要將阿B變鐵人咁！我平時意思想佢學獨立下，自己學下幫手，所以屋企有人買左野返嚟！我都有叫佢幫手拎下D輕野，然後讚下佢或者比野佢食已經好開心，有時叫佢幫手掉垃圾，佢識分騎樓閘開左就會將垃圾掉係廚房的垃圾桶，冇開閘就會掉入廳的垃圾桶內，有時佢見到有野不理有用或冇用都掉入垃圾桶，老豆就叫唔好再叫佢幫手掉野入垃圾桶，我都冇理佢。
佢著少D衫等佢自己身體去自動衡溫，例如：好似發燒咁用比佢體溫低少少的水幫佢洗白白，正如著衫天氣熱咪比少件衫佢著，都冇咁易冷到，佢後頸暖就可以喇！連醫生都係咁講，佢地唔係既唔理佢後頸暖定凍，總之手凍就一定要著衫。
我剛剛又〝火山爆發〞，我叫左老公打比肥仔同佢講我〝唔湊阿B，以後都唔湊〞，老公叫我〝唔好咁喇！算喇！〞，但係我真係忍唔到。
我有一個問題〝若然每日都有幾個或一、二個人話你做呢樣唔〝arm〞、果樣唔〝arm〞，仲要係一日內講幾次，什至乎幾日都係重覆一樣野、隔日或隔幾日又再重覆，咁你會點呢？我有解釋過，但佢地聽唔入意，腦裡只得佢地自己果套，咁樣〝佛都有火〞喇！
我承應自己係〝惡〞，但以前唔係咁，點解而家會咁？因為以前我想〝先發制人〞，我惡D佢地就會冇咁多野講，久而久之就成一個習慣，而佢地都習慣左仍然有好多野講。
頭先阿B喊，我見到咪影佢囉！阿媽就話：「都唔知你成日影佢做乜？喊到咁肉酸都好影既？影到佢時運都差晒！」，佢又重覆講左幾次，我火都嚟勒！我好惡咁講‧‧‧
我：咁吧弊咪湊晒佢囉！成日都係咁！我一陣走唔湊喇！明天開始以後都唔湊阿B，你自己搵人湊，你唔好話我無情。
阿媽：你直頭係無情喇！
我：我咁都叫情，我湊阿B係義務，我湊佢冇左D時間、又有說話聽、又要用錢~車費、早餐、有時買下野比阿B(我自願)，你唔好再話我整病佢。
阿媽：你湊埋今個月，下個月開始你老豆唔返工，你老豆湊。
我：我寧願去搵野做。
其實，大家都知叫老豆湊咪即係等於〝無〞。肥仔了解左情況後就決定每日湊阿B落去比我，咁我可以唔駛上嚟！
雖然，我係義務湊阿B，不過，我、娣婦、肥仔出街佢地都請我食飯，有時娣婦都會買野比我食架！我覺得義務好D，因為責任感冇咁大吖嘛！個人會free D。
我都知我唔應該咁惡，但係〝火遮眼〞~真係忍唔到，這些時〝何時才完結呢？〞
沒有留言:
發佈留言