卷曲睡姿

阿B朝早落街唔肯行我就同佢去左〝惠康〞行，由於我冇帶環保袋和打算買野，
所以阿B冇得坐購物車，不過咁仲好，因為佢週圍走，又攪下貨架D野，
佢仲想伸手入去摸凍櫃添！不過，唔夠高，又係要我夾佢先走。

返到屋企眼訓，我由11點幾就開始陪佢訓，又係我訓左幾覺佢都未訓，
然後開埋〝Noddy〞&食埋飯都唔得，我都知佢想要乜架喇！問佢要唔要奶奶？
佢點晒頭，食完奶我冇埋佢，轉頭睇佢就訓左，訓既時候差不多2點。

佢就係咁卷埋自己訓左喇！

霎下眼望落去阿B個〝老友〞好似個〝豪華團〞喎！睇真D係條片嚟既！

一個鐘後望一望佢就變左陣喇！

阿媽去街買野順手買〝麥麥〞比我地做Tea，我要整餸，所以遲遲都未食，
到我食時阿B見到又要食。佢食左一條薯條就開心到跳舞，
食第二條就〝拿拿聲〞擺晒入口再攞。