阿B復甦

上星期係街派既〝Lipton~朱古力熱吻奶茶〞，今日記得拎比阿嫂和娣婦試下，
阿B見到就立即熱吻左佢一下，仲吻得好深下添啵！

阿B係2張櫈到行來行去，睇下其中一張櫈的闊度幾窄，咁都要行既！
細路一D都唔怕死架！

弊啦！比佢見到我地既brunch添！不顧一切都要吃，
但頭先剛係屋企食完粥咋喎！你係咪真係食架？

攪左好耐先等到阿B訓覺，仲要係邊睇打機邊訓覺。

我地收機、老公開始訓，阿B就起身訓勒！佢都訓左好耐。

阿B可能訓前食左藥既關係，訓醒後個人〝呆呆滯滯〞。
唔知佢仲咩好用力屈D腳趾。

肥阿哥比左舊遊戲機既手制佢玩。

阿B七點幾要食藥，因為飽肚吃，娣婦6點幾煮左半個烏冬比阿B食先。
佢食過野後就回復正常喇！可能頭先肚餓得滯。

我唔記得講野D咩野話阿B見到錢會唔會有反應？肥阿哥比D佢睇。
嘩！立即衝埋嚟丫！

由於D錢好〝烏租〞多菌，所以玩左一陣就拎返，但係阿B唔肯，
於是就用朱古力奶同佢交換勒！

大風又大雨，肥仔放工回家時拎左件佢地係〝香港迪士尼〞買既風褸比阿B著，
這件風褸第一次著架咋，不過好大件。吖！上次我去肥仔叫我買件衫比阿B，
我買左〝史迪仔〞汗衫一件唔知阿B而家合穿嗎？