不停整‧密密整

尋晚老公話攰都陪我做左一陣〝高中健康操〞，我邊做邊笑~笑到坐係地，老公叫我唔好笑，跟住又研究左一陣就訓。

〝高中健康操〞係郁到好多肌肉，應該可以修埋線條添！今日冇時間做，明天要做多D補數先得！

每次放假我都會係一日內整好多蛋糕或麵包，所以今日都唔例外。

今朝6點幾被隻眼癢醒，碌下訓下等到夠鐘叫老公起身，跟住我自己又起身，送左老公出門口，自己整完一輪野就〝開工大吉〞。一心諗住整〝雞批〞和
〝湯種~白汁雞包〞，但諗諗下就整左〝蜂蜜蛋糕〞，一個蛋糕模裝唔晒，於是就用嚟做〝藍蜂慕絲蛋糕〞餅底，都仲有剩再做多31個〝蜂蜜蛋糕仔〞，之後先再整〝雞批〞。

開磨菇罐頭有D陰影，因為上2次整〝雞批〞時唔小心都被罐頭介到隻手指流血，所以今次好小心~冇事。

〝蜂蜜蛋糕〞已用左牛油紙墊住，但都係拎唔到，所以我就倒扣，點知個面一黏就甩攪到表面好似〝毀容〞咁，不過，組織好鬆軟，都係要多得〝Blog友仔~Grace〞比我睇〝ytower影音教學~蜂蜜蛋糕〞段片教整〝蜂蜜蛋糕〞先成功咋！

〝藍蜂慕絲蛋糕〞個表面好肉酸，我諗失敗多。

〝蜂蜜蛋糕〞明天要拎回去比阿婆食，個蛋糕又軟又黏唔知用咩裝住，於是我就用張錫紙整左個袋包住佢。

老公放公回來問我吃乜？今日我想食壽司，老公話一陣佢去買，因我仲未整包怕我唔夠時間整，但佢返工咁辛苦，我就話一齊去買外賣回來吃。

我地去左〝元氣〞買外賣，〝元氣〞壽司好過〝元綠〞好多，又新鮮D又靚D，仲去左〝麥麥〞買多2件雞添丫！食完都十點幾太夜要明天先整包喇！不過，晏晝肥仔和老公分別來電話明天要返工，咁我就約埋娣婦明天去肥阿哥家玩，所以都唔知明天有冇時間整？還有阿媽晏晝來電今日同阿B去剪頭髮，明天就可以睇到喇！

頭先經過商場有個野，起初我以為係〝曼聯、‧‧‧〞足球既野，行埋D先知係個〝自動心肺復甦機〞，老公話商場職員都唔知識唔識用？

晏晝整野時唔記得做咩整跌左D野差D跌落地，自然反應緊係用隻腳救架喇！救番之後繼續努力，但隻腳忍忍作痛，都係冇理會〝埋頭苦幹〞，諗諗係會唔會頭先整到呢？一睇見到唔多覺既疼傷，但疼傷上面就腫左一舊仔，而疼既週圍都痛。之前的疼傷都未好，又在無情力下又多一撻疼傷。