麻煩厠所

之前講過上星期六已停過一次鹹水供應，有返鹹水供應後，個厠所水箱又漏水有問題，之後老公整返好，前後一星期唔夠今日又暫停鹹水供應，仲要直至維修完為止。

我都唔知點解呢到成日都要維修暫停鹹水供應，冇鹹水好麻煩架嘛！每次都要裝桶水，好在仲後生啫！

尋日我上載左〝美味晚餐@金船長餐廳〞既相係facebook，有個好耐冇聯絡既朋友有留言比我，今日我就打電話比佢，不過，佢要返工，所以幾經波折先傾到計。

朋友出年會辭職，然後全職湊個囝，因為種種原因下自己湊會比較化算D，我都覺得自己湊好D，因為個囝返學，跟足D好D。

今晚我係屋企食飯，尋晚老公話今晚夜放，叫我自己係娘家食埋飯先。阿媽知道我係屋企食就叫我煮〝豉椒鳳爪〞，又問我想食咩菜？就炒多碟紹菜，雖然，煮2樣餸，但每樣有2碟，因為有辣和不辣，〝豉椒鳳爪〞2碟都售罄。