自己一人渡過

今日老公要返工，明天老爺搬屋，老公放工去幫老爺執野，咁即係一日三餐都要食自己。其實，我有諗過去join開心果姐姐BBQ架！因為肥仔放假可以陪娣婦帶阿B去〝協康會〞，不過，老公唔準我去，因為晏晝3點集合，唔知燒到幾多點。

呢2日都覺得個鼻好似有發炎既跡象，今日起身有少少黃色鼻涕，之後都冇，跟住又成日打乞嚏，千祁唔好病丫！晏晝老公聽到我把聲〝盟〞左，佢以為我瞓緊，今晚瞓前要食粒藥先。

晏晝我落街買飯，順便去〝惠康〞入貨，今朝吃埋最後一個〝福字米粉〞，但搵勻全間〝惠康〞都冇，買左烏冬做晚餐、乾依士粉，跟住又去街市買左個橙，來做今晚飯後果。

返到去食完飯，就開工整左2款蛋糕：花生醬雪芳蛋糕、黑糖軟蛋糕。

我約7點就開始預備晚餐，前幾買左紹菜有剩，剩只夠人一份量，咁就啱喇！我可以炒〝XO醬炒紹菜〞自己吃，丫~老公唔係到，好似炒得好食D啵！再煮個齋湯烏冬，吃多個橙。我食完8點都未夠，我即刻去洗碗，因為一陣要睇〝與敵同眠〞大結局。

老公回來時來電問‧‧‧

老公：你食唔食甜筒丫？
我：做咩丫？你想食丫？
老公：嗯~
我：咁~你買喇！

本來我計劃得好完美，可以8點前食完晚飯，但老公好少話要食呢D野，所以唯有陪佢喇！返到來我問點解想食，佢話好熱。