上星期六，肥仔公司請晒所有員工去〝香港迪士尼~黑色世界〞。尋日肥仔比左個米奇牌我，佢話係阿B係酒店做的，到夜晚娣婦比左D入場卷和貼紙我，唔知入場卷有幾多款呢？我而家有米奇、米尼、高飛、唐老鴨。
前排係娘家時間少左，順利成章我好耐冇係娘家執屋，所以有好多野都好亂。今日晏晝等阿B瞓左，我見有時間就執下自己既信、雜誌，然後就執下阿B既衫，實在太亂，因為娣婦要返工時間都不多，就由我代勞。
今朝阿媽買左豬扒和番茄，預備我今晚煮茄汁豬扒〞，肥仔都話好吃。老公要O.T.，所以我就帶飯回去比佢。阿公不停叫我夾多D餸、帶湯和帶飯，又叫我到時翻熱比老公吃，呢個係保暖壺，仲要係Theamos邊駛翻熱啫！
好多 blog 友都話"迪士尼黑色世界"好多野玩, 你有無去過呀 ???
回覆刪除[版主回覆10/29/2008 23:15:00]我冇去過，因為我實會嚇到大叫，我好怕呢D野。
嘩...阿B又有得去廸廸尼呀, 真係開心!!!!
回覆刪除執屋呢 D 工作做一世都做唔完.....真係長命功夫長命做!!! 執呢執路執到老!!!
我都要搵日執下個衣柜先得!!!!
[版主回覆10/30/2008 23:02:00]真係執極都執唔完，若然D人唔合作，仲會執到嘔血添！
老人家多數都係咁,又怕唔夠食又怕唔夠熱
回覆刪除[版主回覆10/30/2008 23:02:00]佢地怕我唔比飽飯老公吃。
d貼紙據聞唔係成日有得派嫁~ 我都有個迪士尼做既朋友送過d比我.
回覆刪除[版主回覆10/30/2008 23:04:00]佢地通常都係派比小朋友，不過，有次我乘機都拎左張〝米奇〞貼紙和咭。
除左你之外，
回覆刪除你屋企人都好錫你老公仔喎
呵........
[版主回覆10/30/2008 23:04:00]佢地成日都覺得我蝦我老公架！因為我惡丫嘛！
下？你惡咩？你扮炸..........
回覆刪除哈哈
P.S.大番薯我就泥要考試lu~~
所以lee兩、三個星期都唔會泥架啦
話聲比你知~~唔係你以為我失左蹤呀
哈哈
[版主回覆11/06/2008 21:06:00]唔係丫~我有時真係好惡架！嘻~嘻~我見你咁耐冇來，所以今日去左你邊睇，但又冇update我估你功課忙，原來你要考試，咁要努力喇！唔好比太大壓力自己，盡力已足夠。
yes madam~~哈
回覆刪除[版主回覆11/07/2008 22:05:00]咁就乖嘞！