氣管發痰@傳染

尋日朝我8點幾返到去阿B都未起身，平時佢7點幾就起身，又聽到佢鼻塞塞地。
阿B放學跑跑下咳~好正常，不過，我聽到有痰，回到家開奶食完第一轉時想嘔，
然後洗白白時聽到佢用口呼吸，到著衫時好似有D鼻水。
阿B瞓醒晏覺，等娣婦回來時餵保嬰丹阿B吃，吃左2啖就嘔回晏晝學校吃的東西。

今朝收到娣婦電話，阿B身體不適放假一天，
晏D去睇醫生，叫左醫生寫左今、明兩日假，
返到屋企阿媽話呢個星期都唔好返學，因為佢知道阿B今次病係被傳染的。

醫生話阿B嘔，係因為食物消化唔到，叫我地唔好比咁多野佢吃，
而且小朋友係唔駛食咁多野既。鼻和痰，係因為氣管發痰，佢既鼻水係綠色，
這是傳染得來，要食藥食到綠、黃鼻水和痰都變白色先叫好，
食完藥都未好就要覆診。

今朝見阿B拎隻小丸子，然後不停拍佢個頭，於是我又拎嚟玩下，
原來按低前面綠色棵野，然後按個頭就會升起。我以為按一下先升少少，
咁我咪不停按囉！點知肥仔見到話按一下就得架喇！真係瘀~

肥仔叫阿B慫膊，衰豬真係又照做啵！

肥仔買左〝珮夫人鼻爽貼〞等阿B夜晚瞓得舒服D。

晏晝食飯，衰仔要睇住Pingu先乖D。

衰仔成日係到偷笑。

我地行〝吉之島〞，阿B又有收穫，見到匙羹、叉就唔放手，肥仔買左3件衫比佢。