High到振

今晚齊齊過左去肥阿哥家，不過，我與老公有事遲左上去。

我一上到去就見到阿B做D危險兼高難度動作，窗台與地下對阿B來講都幾高下，
好似約有佢2/3高既商度，但佢居然可以徒手爬上去。

佢不停爬上去，然後行去梳化落地再爬過。

玩完又坐下先，同臭屎被傾下計。

抖完又要玩波波池，波波池要吹脹先玩得，上次吹左佢又唔玩，所以冇吹。

於是搵野玩，被佢發現到老公個電話添！手提電話係推機，佢都識得開和閂架！

玩完電話到玩相機，唔知係咪阿B成日見我地用相機同佢影相，
佢又鍾意影下咁，不過，個相機已經壞左架喇！

我聊阿B玩，我坐係地下，然後用雙手和腳向前移動，阿B見到又跟住做喎！
玩得好開心~好似癲左一樣，無辦法令佢停。

之後佢又扮貞子，佢係地下爬~爬~爬~笑到我地死，
我同佢玩緊錄唔到短片，不過，肥阿哥錄左，下次問佢拎先。