攪笑對話@我與老公

我首先想講就係，今日受左2個打擊，令我真係要應真考慮一下要積極備戰減肥。

第一擊：我經過尋晚〝打邊爐〞一役後，今朝上磅重左〝3磅〞有冇攪錯架！
第二擊：老公起身無喇喇去上磅，嘩！得〝100磅〞唔係掛。

老公既磅數我肯定唔止我一個羨慕，〝老婆越來越肥、老公越來越瘦〞我與他體重差好遠一D都唔登對。老公近排又多野做又唔開心，一個人唔開心就唔識肥，只識瘦，因為我有經驗，明天開始要努力喇！

今日高達叔叔去完〝香港動漫電玩節@2008第十屆〞就會來砌模型，所以費事又要為晚餐傷腦筋，所以我決定煮飯仔。

早上11點幾就落街買報紙和餸，不過，街市菜檔收半日，冇菜買，再去麵包舖買個包吃等老公起身，因為佢近排攰等佢訓耐D。我回到去第一時間洗野煲湯先，跟住老公1點半就醒左，之後碌極都訓唔著就起身去食野。

尋晚講好去〝美心〞食野儲印仔換野比阿B，都要行7-10分鐘架！咪當減肥囉！行左一陣就發現老公冇剃鬚，我最憎人唔剃鬚架勒！我一見到實話架！

我：做咩又唔剃鬚丫？
老公：係咩！
我：成個烏嘴狗咁！
老公：你成隻肥狗咁！

我心諗〝哎呀~咁抵死〞，我就比左我個手袋仔佢拎，老公唔鍾意幫女士拎手袋架！

老公：我D手手、腳腳都好攰丫！隻手就斷喇！
我：斷左咪好囉！咁我可以做野勒！
老公：到時大家食風。
我：到我做野。
老公：你做野可能會仲肥喎！
我：點解丫？你做野都瘦喇！(辛苦瘦)
老公：你有錢去食野，會食得仲多，食D好野。
我：哈~哈~咁又係喎，到時可能你仲瘦過而家，可能要食‧‧‧，咔~咔~

可能唔係太好笑，但當時身處其中就唔同，我與老公好少講笑架！係好難得，所以值得一記。

〝美心〞又儲多2個印，而家差一個咋！吃完去左隔離〝惠康〞入貨和買菜，跟住又係時候打道回府喇！返到去一陣高達叔叔就來電而家來。

我當然就奉上尋晚煮好既〝百爵香滑奶茶〞喇！我用既〝百爵茶包〞見到〝橘子〞與〝二德惠〞買$2.5/包，但我係〝百佳〞一盒25包都係二十幾蚊，用$2.5/包買一盒要六十幾蚊，所以去〝百佳〞買抵好多。

高達叔叔一睇就話奶多，老公奶茶唔多奶邊好飲架！高達叔叔都話好味，奶方面佢都接受到，即係唔算多奶喇！

老公一見到高達叔叔個紙袋就〝唉~〞，佳因呢隻個袋係一隻on-line槍game，老公最鍾意呢類野。高達叔叔話只係拎左個袋裝野，裡面D野唔係架！

袋裡面裝左會場派既野！派〝福仔〞可能怕有人被焗暈，又幾週到喎！

高達叔叔買左一幅模型，我一見隻機咁大咁〝隻高達咪會好似鼻C咁細囉！〞，高達叔叔話係。

佢仲係我地家附近商場買左架搖控模型車，四條軑都係光頭，專登比人玩飄移架！

晚餐有三餸〝瑤柱蒸水蛋〞、〝蠔油郊外油菜〞、〝洋蔥豬扒 (蘇施黃食譜)〞；一湯〝杞子當蔘圓肉湯〞；白飯一碗，我掛住食唔記得同碗飯影相，因為我唔識煮飯，由老公出手~難得難得。

〝瑤柱蒸水蛋〞係阿婆教我架！太耐冇整有少少失手，以前全碟都好滑架嘛！高達叔叔話係邊就唔夠滑，中間都滑，佢好鍾意食蒸水蛋，佢將食剩既掃晒！

全部餸、飯、湯都售罄，煮野食既人最開心就係見到咁勒！好有成功和滿足感。