今日起身肩、頸、頭都痛，雖然，阿媽今日放假，但要去覆診，所以都係要去湊阿B。由於太痛所有動作都比較遲緩，每日都與老公一齊出門口，但今日叫老公出門口返工先唔好等我，讓我自己慢慢來。
我返到去阿B食完奶再訓過，我見又攰又痛就與阿B一齊訓，我訓左約半小時就起身食早餐。今日我買左炒麵之餘，再加多隻粉果，因為好痛想吃多DD。食完阿B都未起身，我又再與佢一齊訓，到9點半阿婆就叫我帶阿B返學，我叫醒埋阿B就出門口，阿B比上星期又好少少喇！冇喊。
我回娘家途中見到客氣婆婆，佢又買左筒薯片比我，我已經叫過唔好買野比我，但都係唔聽，真係有點罪過，所以有時我整左D野啱佢口味就會叫阿婆拎比佢吃或有時買野比阿婆都會買埋佢果份架！
回到娘家，我搽冬青膏和吃左粒長效就呼呼大睡，冬青膏〝拿〞到我好痛，但又〝拿〞得好舒服，因為痛先會〝拿〞。我都訓到唔願起身，阿媽覆診回來話佢去湊阿B，我就起身拎張接送咭比佢。
阿媽：你咩事？
我：肩、頸、頭都好痛。
阿媽：咁後生就咁幾時到老呢？都叫你唔好食咁多煎炸野架喇！
我：邊關事啫！(我痛到唔想出聲)
阿媽：睇下你面又黃又青。
我：都話好痛咯！
之後我繼續訓，訓到阿B放學回來才起身。晏晝食〝阿公炒飯〞，阿公炒既飯好好味架！
晚餐我與老公吃〝麥麥〞，老公放工買回來，老公話〝麥麥〞應該就加價，因為佢又出coupon喇！
前日和尋日既瀏覽人數都係一樣，呢個數字之前幾日都有出現過架！
你要小心身體,有時間就休息多點吧~!
回覆刪除[版主回覆08/19/2008 10:41:00]我都盡量早D訓架喇！而家個頭唔痛，好好多喇！多謝關心。
你身子弱呀
回覆刪除做多d運動，喝多少少milk啦
[版主回覆08/19/2008 10:43:00]我阿媽都叫我沖D高鈣奶粉飲，但我唔喜歡飲奶，運動成日都想做，但係又懶，想Book場打波，而且又冇場，所以咪自己行下街當運動，唔駛成日都坐嘛！多謝關心。
無啦啦做乜周身痛呀？？
回覆刪除[版主回覆08/19/2008 10:50:00]唔係無啦啦架！我都痛左十幾年架喇！以前淨係頭、肩頸，而家發展到背和胸口，推拿和趺打師傅們都話我頸椎移左位。
可能我好耐之前玩過山車整親過條頸，當時冇事又唔痛咪冇理佢囉！又加上我坐和企既姿勢又唔好，搭車又訓覺，不過冇做野後我都好少係車到訓，我而家都改善緊坐和企既姿勢架喇！但成日都唔記得坐直D，咪越來越痛。多謝關心！
小心身體 take care
回覆刪除[版主回覆08/19/2008 10:50:00]知道~多謝關心！
妳阿媽講得都有啲道理,太燥火真係會骨痛架.
回覆刪除其實週身痛可能唔只一個原因,係幾個問題加理一齊.
妳真係要搵出原因先至得,要對症下藥,早啲甩咗啲痛症.
咁後生就咁,真係有排先捱到老.成日都咁痛,我都戥妳辛苦.
[版主回覆08/20/2008 01:31:00]之前西醫照過X-Ray話冇事，跌打和推拿都話頸椎移位，有D又話壓住左神經線，我都唔知點好，而家我自己改善一下坐和企既姿勢先睇下有冇關，冇先再去睇下專業D既醫生。
痛~係辛苦，但我都習慣，只要頭唔痛就可以，多謝你關心！