茶敘@老爺

今日老公約左老爺食茶，而今晚又要出去食，所以就約埋高達叔叔一齊飲。我地去老爺家附近飲，所以由老爺搵位，但佢9點幾就搵到位喇！好在老公今日叫2次就起身，所以都係預定時間到，高達叔叔比我地遲少少到。

飲完茶一齊行左一陣就回去，但我與老公要去肥阿哥家拎回新買既〝Notebook〞，高達叔叔就自己回去我地家先。

肥阿哥幫我將舊的資料抄去新機到，所以老公又由去拎部舊機來，到4點幾部機未拎得，但都要回去，因為接埋高達叔叔一齊出去食飯，晚飯肚餓掛住食忘記影相。

我地食完飯又行下街，高達叔叔見到心頭好，佢之前見到買160蚊，而家買六十幾蚊，所以唔諗就買左。