吹氣扭蛋

這套扭蛋我又係逐隻扭回來的，當然又係扭左好多錢喇！扭呢套野時阿B仲係娣婦肚內未出世。

記得呢套野都唔係我扭先，當日係我、肥仔與娣婦行街商場內有呢款扭蛋，肥仔想要〝史迪仔〞就去扭，我都講左唔扭，點知肥仔扭左幾隻先係〝史迪仔〞，其中一隻係〝米妮〞，有見及此咁我就緊係扭齊一套佢喇！

嘩~扭左好多隻仲差〝米奇〞一隻就齊，當時仲有個人同我地一齊扭架！因為佢老婆差〝米妮〞就齊一套，後來我地又扭多左隻〝米妮〞就原價十蚊賣左比佢，因為當時唔係假期要返工。

扭左好多都唔中，都唔記得扭左幾多錢，只記得有成袋多餘既扭蛋，後來我發現原來〝米奇〞我一早已扭到，因為〝米奇〞與〝米妮〞只不過係底、面之分，真係激死我。我緊係又將多餘既扭蛋送晒比朋友們喇！真係買一套都唔駛咁貴。