今個星期娣婦返晏，而且今日阿媽收3點，所以我尋日決定今日唔決湊阿B，因為我去湊阿B放學，又要回去買餸煮飯，不想浪費來回車錢。
尋晚我約熊貓姐姐今日食lunch，因為樓下茶餐我食厭，但熊貓姐姐近日公事煩忙，好難就到時間，唯有取消。之後睇書想整下包或蛋糕，但一D頭緒都冇，今朝繼續睇下，依然無idea，又唔想拎個打蛋器出來，所以都係擱置，搵日團火燃燒勁D先整。
今日中午時份，我的起心肝做運動，唔可以輸比老公既，隔半小時到就行去〝大家樂〞食茶餐，又行左一陣街，我訂左對鞋係我之前睇中左，但冇我size，佢話訂可以兩日有貨，到時會與我聯絡。我之前講過今個月唔買野，但與老公講過要買一對鞋，我以一對新鞋換2對舊鞋。
我係電梯口告示板見到又貼左通告，今個月唔記得17定22又冇鹹水供應，仲要連淡水都冇，家下係咪玩野呢？都唔知想點！
回到家又無聊，所以開左facebook睇下，開左咁耐都冇用過，係前幾日第一次upload相咋！有好多message喎！又有好多人邀請我玩遊戲，其中一個叫〝義氣仔女Online〞，不過，我唔多識玩，所以我就請教開心果姐姐，我知佢上班中，所以叫左佢放工先回覆我。我係開心果姐姐未覆我前，當前的問題我已自行解決左，詳細玩法都要等待回覆。頭先又無聊又玩左facebook內幾個game，用嚟解下悶都唔曾既。
我諗左好耐都諗唔到今晚吃乜？老公又冇提意，所以老公決定買〝麥麥〞吃。今晚我改左唔吃〝巨無霸〞，而食〝雙層芝士孖寶〞，但明晚又唔知煮咩餸好呢？
我呢幾日都好早寫完Blog，而家換左部電腦，所以老公可以用來打機，佢都係玩槍game，今日又早寫完，佢又可以早D玩喇！
義氣仔女我已經玩爆咗了....
回覆刪除但其他game又好似冇咩興趣,所以都冇咩好玩啦.....
[版主回覆10/09/2008 22:14:00]咁快既，我今日都係第一次玩咋！
facebook入面我只係識玩義氣仔女, 但玩到越來越悶, 唔想再玩囉 ~ ~ ~
回覆刪除[版主回覆10/09/2008 23:05:00]我覺得冇我以前玩on-line game咁好玩，但無聊玩下打發時間都好過冇喇！
我尋日先加左義氣仔女....要"代客泊車"賺錢... ..賺左幾百蚊...不過都係初玩...都未清楚點玩法....
回覆刪除[版主回覆10/10/2008 10:01:00]我尋日都係第一次玩咋！唉~你應該可以去賣翻版DVD。我問左朋友都係唔太清楚隻game，我諗要親身玩晒，所以function先得。
義氣仔女好玩呀。。。我買佐十幾間賭場，而家可以退休淨係收租，做包租公，唔做使打打殺殺
回覆刪除另外有個 bubble town 都好好玩架
[版主回覆10/10/2008 10:03:00]哎呀~原來我咁out架！有咁多人都玩緊，但係我覺得冇我以前玩on-line game咁好玩。Bubble Town，等我搵下先，好似未見過既~
義氣仔女我都玩悶咗lu....依家重返番現實既世界了..呵呵~!
回覆刪除[版主回覆10/10/2008 20:50:00]我都覺得有D悶，但無聊有野玩下都好丫~
你快D燃燒啦！！！
回覆刪除好想你整野食呀！！
哈哈
[版主回覆10/10/2008 20:51:00]近排真係提唔起勁整。
咁我等！
回覆刪除等等等等等等等..................
[版主回覆10/10/2008 23:58:00]咁又唔駛等咁耐既，明天可能會整喇！
哈哈~~~好啦
回覆刪除我都整左cheese cake ar~~今次係焗ge~~第一次呀
[版主回覆10/11/2008 09:21:00]叻女喎！但未見你寫落blog到既？
未影相相呀！
回覆刪除我等壽星仔幫我影呀
kA....KA
[版主回覆10/12/2008 09:07:00]咁快D~好想睇相。