隨時有變@約會

今日起身骨冇咁痛，可能係我將墊腳既枕頭移上左，令到我腰部冇受壓得太利害，不過，條脷生左痱滋，喉嚨開始痕，頭一次咳有痰，之後咳都係乾咳，鼻涕開始變白，之前係黃的。從小阿媽就教鼻涕是綠色~冷傷風、黃色~熱氣傷風，而且醫生常話食藥食到鼻涕變白就表示慢慢轉好，唔知我可唔可以不藥而癒呢？

我買完早餐預備上車，娣婦來電今日去〝協康會〞耍取消，因為姑娘病左，好在我買早餐錯過左班車，娣婦叫我不用湊阿B放學，咁我今個星期就唔上去湊阿B，因為明天阿媽放假和後日阿媽放工可以湊到阿B放學。

我就話比老公知，老公提我今日鹹水和淡水都停洗水缸，望下隻錶係啵！我就拎住早餐去街市買餸，等我早D煲定湯，再買多個菜，仲有一個餸未諗到。返到電梯口睇通告，淡水由早上9點至下午1點暫停，橫掂洗左頭又停水，咁我就約左熊貓姐姐食lunch，但約1小時後熊貓姐姐來電，因為工作有變要爽約，我就自己煮麵吃。

淡水一直都有，但唔係平時〝霸霸〞聲咁，下午一點淡水混濁，但點解鹹水會冇既呢？我3點幾落街去凍肉舖，諗住買牛仔骨今晚煎，但又貴份量又少，所以我買左〝巴西牛仔腩〞，再去買條蘿蔔，回去就整〝蘿蔔炆牛仔腩@柱侯醬〞。等電梯時再睇和示板，原來鹹水係由下午1點至5點洗缸。

頭先見有D餓，就去左包點先生買饅頭和馬拉糕吃，拎出來件馬拉糕好醜樣，而倒汗水又攪到饅頭好酸樣。

我整左〝蛋白燉鮮奶〞有2隻蛋黃，諗住整下餅，但要煮〝蘿蔔炆牛仔腩@柱侯醬〞，所以都係留待明天。

是日晚餐：XO醬炒紹菜、蘿蔔炆牛仔腩@柱侯醬、無花果湯。明晚和後晚老公都有事不回來吃，湯和牛腩都有剩，明天買個菜就攪掂。

食完飯我話比老公知，晏晝我去左問我對鞋有未？售貨員話叫廠整緊，再過2日冇就退回錢比我。老公即刻問我比左錢未？有冇單？我話你當我傻架！緊係有單喇！佢仲話我係水魚，又扮水魚係到游來游去，真係比佢又激死又笑死。我明天去睇醫生，所以頭先熊貓姐姐明天食lunch。老公剛落街買煙回來，之前都叫佢唔好賣晒D煙比高達叔叔架喇！