娣婦與阿B陪伴

今朝感覺到老公起身，冇耐就聽到〝嘭~嘭~〞聲咁開閂抽屜，我起身睇咩事，老公有些少發掹咁開支新牙膏，我望下個鐘，唉~7點十架喇！我就幫老公拎牙膏，等佢去整其他野。

尋晚老公睡前都問我有冇教鬧鐘？答佢有，但唔知點解，電話個鬧鐘唔響既，好在老公今日自己知起身啫！我諗就正因如此，老公就發老掹囉！我送左老公出門口都起身。

近排冇相機都冇乜心機影相，以前未有相機都覺得手提影都唔錯，但有對比後手提始終差幾班。今日突然記起老公N年前去日本買左個數碼，我拿拿淋拎D電去charge電，一陣同阿B出街可以影相喇！

今朝心血來潮想解決一個心結，最後我都成功〝解開了一個心結〞。我話比老公知，老公即刻問要唔要去睇佢，因為老公知道我很重視這個朋友，但短期內都冇時間。

我12點半就起程回家湊阿B去與娣婦會合，回到家收到封信係由〝國際醫療使命〞寄給我，隨函送上〝精美圍巾〞一條，但我都未聽過呢個機構既。

我地食完晏就帶阿B去〝協康會〞上堂。我地等緊上堂時肥仔來電，佢話今晚約左朋友食飯，但娣婦唔想出去，我就邀請佢去我家吃飯。

上完堂我地就搭車回去，再去街市買餸，6點幾肥仔又再次來電，今次佢話一陣與朋友北上按摩。

今晚娣婦係到食，老公鍾意食白菜仔，但我唔吃，多個人吃咁就可以炒蒜蓉白菜仔，加煮多碟〝茄汁豬扒〞，再飲回昨日的〝青紅蘿蔔湯〞，咁又一餐喇！老公話今次個〝茄汁豬扒〞酸左D。

雖然，老公今日要返工，好在有娣婦和阿B陪我咋！阿B當然帶比我地有好多歡樂喇！

明天為十月份生日既朋友慶祝，所以早已決定係去BBQ，因為每年都係BBQ，但因〝海高斯〞既關係，BBQ一度擱置，但今日熊貓姐姐和老公都來電話，按照今日天氣應該BBQ可行，直到現在都係繼續BBQ的，希望明天好天喇！仲人今日係高達叔叔正日生日，我已SMS左佢，但都在此說聲〝生日快樂〞！