取相機@維修

今朝與娣婦溝通左，去完〝協康會〞後我就唔湊阿B回家，就相約娣婦去我家湊回
阿B，因為我要買餸煮飯。

今日我湊完阿B返學，就打電話去Nikon睇下部相機拎得未，冇相機好唔方便，尋日都係用肥仔部相機影咋！輸入單號碼後，居然有好消息~整好，跟住我就將今日行程改動。

原先諗住湊阿B放學，食埋飯就帶佢去公園玩，然後先去〝協康會〞，但而家就改為我食完飯先去湊放學，然後去〝朗豪坊〞拎相機。

上到去又係冇人，拎籌就立即到我，部相幾換左個新鏡頭，但唔知部相機有咩事。離開〝Nikon〞就坐巴士去葵芳，見有D餓就去〝包點先生〞買左個饅頭，跟住又去A-1買個包比阿B。我諗住食完就坐巴士去〝協康會〞，不過，阿B痾左臭，又要去換片，所以都係坐的士去。

我地早左15分鐘到，等到夠鐘就入課室，阿B眼瞓，所以後期有D唔合作。我帶阿B離開〝協康會〞去搭巴士去買餸，但落車後記起無米，抱住阿B又買唔到，就打比老公，老公話佢都好攰，可能會早D走，放工時買埋野食回來。

我帶阿B回家前去左鞋舖睇下對鞋有未，店員話今日未返，不過一定會有。娣婦放工就來我家湊阿B，娣婦話我貼出來的相過瘦，佢覺得我115磅就可以，不過，要好~好~好~努力咁先可以。

頭先打左電話問熊貓姐姐係咪打波，佢冇問題，而且都問左開心果姐姐，我與開心果姐姐仲傾好，然後我book左11月1日(星期六)我兩齊打波添！

老公都係買〝麥麥〞回來，今晚要開機洗衫，老公咁攰，所以由我負責收衫和曬衫，不過，我都要早D瞓，明天誓要book到星期五場打波。