醫生都要我減

今朝未夠7點就坐係電腦前，預備book場打羽毛球，可能我太緊張連續入錯幾次身份証號碼，以至攪左好耐先入到，入到去見到2000-2100有場就book，hold左一陣又話被人book左，彈返出去再選又係咁，之後就full，我退而求其次book1800-1900，情況剛才一樣，對於我最好既時間都冇晒，唯有去瞓，都係怪自己入錯。

今日我去睇醫生，診所內計埋我有3個人等，咁耐一個都未入，我怕趕唔切與熊貓姐姐食飯，12點半我見到醫生回來，原來係醫生未返，怪唔之得冇人入去喇！

醫生話而家菌好勁，好多人都係咁，我係因為細菌令到我傷風感冒，之後醫生仲話我應該要減肥，話我肥左好多，我已經減緊。醫生見過我瘦既時候，所以咁講都唔出奇，我近幾次去醫生都係咁同我講，近排我已經積極左好多架喇！今次有4種藥、一支咳藥水、一支滴鼻和喉糖，我要介口：煎、炸、魚、蝦、蟹都唔吃得，仲要多飲水。

我慢慢行去等熊貓姐姐一齊去食lunch，我地去返之前去過既地方吃lunch，我地oder左凍綠茶，熊貓姐姐order黑椒腸仔、腸仔、玉瓜飯，而我order台式雞柳燥肉飯，味道都夠不用再添加調味。

熊貓姐姐見時間尚早陪我行下，到咁上下佢就返工，我冇野要買，所以就回家，邊行邊Window Shopping，睇到對鞋入試下，我訂果對預左冇架喇！我試著平時既size都唔多啱，可能隻鞋鞋頭扁，有D壓迫感，諗住啱既就買定先，咁樣可以慳返。

我去百住買左個〝腸仔菠蘿包〞試下，以為會好怪，但又OK啵！下試可以考慮一下咁整，再買多棵菜，買多D明天就唔駛買。

今日我6點45分就開餐，吃回尋日剩下的湯和餸，可以咁早吃，因為老公個日本大老闆嚟左，全公司去吃飯。我一陣可以睇下電視，又做下運動，樣樣都可以慢慢來。明晚都係得我一個吃，因為老公明晚要去探人。

這次係第一次見有多人瀏覽。