今日已是老公踏入戒煙第3日，尋日要返工真係全日冇食煙，只是回來時吃了一支。
今日老公放工拎左袋野回來，我問咩嚟？佢未答我已打開左，全袋都係煙，佢搵到高達叔叔接收佢的煙，當然係會收錢架喇！
老公吃飯後知會我一聲要吃一支，我洗碗時問點解會戒煙？
老公：佢話戒咪戒囉！
我：之前叫你幾多歲前戒煙又唔見你咁積極。
老公：有個同事又戒。
我：人地戒你就戒？咁人地唔戒你又唔戒喇啵？
老公：條氣唔順。
我：點樣唔順丫？
老公：跑幾步就喘氣。
要我問咁耐先講，成日都係咁既。老公話條氣唔順，我都有D擔心，唔知咩事呢？
全部煙都老公頭先拎回來，睇下佢有幾多存貨。
祝你老公成功，唔買煙留返 d 錢買玩具
回覆刪除[版主回覆10/04/2008 08:17:00]哈~哈~我都諗唔到呢點添！好主意~
你老公好似幾有決心咁喎, 繼續努力, 食少一支得一支!!!
回覆刪除[版主回覆10/04/2008 18:11:00]佢真係好認真，我從未見過佢咁努力，希望佢真係可以成功喇！
好好呀~~肯介煙~~ 如果我老公都肯介就好喇~!~
回覆刪除[版主回覆10/04/2008 18:12:00]佢有同事與佢一齊戒，同埋佢話條氣唔順，如果唔係我諗都唔會戒。
祝你老公快快成功
回覆刪除[版主回覆10/04/2008 18:12:00]我代佢多謝你既鼓勵~
我個老公結婚前都話會戒, 家陣結婚都三年幾啦! 原來都係講緊大話, 將d煙左收右收, 好似做賊咁.... 佢話食煙係為減壓, 但係我覺得佢咁米仲大壓力; 呢排每日都係一支喎, 10月8日dead line. 都吾知信吾信得過
回覆刪除[版主回覆10/04/2008 18:15:00]我都祝你老公戒煙成功。
祝戒煙成功 !!
回覆刪除[版主回覆10/05/2008 09:02:00]多謝~
好多好多呀！！
回覆刪除戒左佢都好ge~~有百利而無一害呀嗎
祝佢好日戒掉
[版主回覆10/05/2008 09:02:00]多謝~
無錯, 將老公平時用來買煙的錢改成買玩具的話, 亞 B 應該會好開心囉 ~
回覆刪除[版主回覆10/07/2008 13:32:00]咔~咔~我諗會係變成佢買巴士既資金多D。