由頭食到尾@金船長餐廳

今日老公放假，我與老公就去湊阿B放學，之後一齊去街。
頭先我先發現原來阿B個樣貼左上壁佈版，主題係〝兩、三歲班活動相〞，
阿B仲係整緊月餅添啵！

走既時候老師交低左本書，等家長回家可以教小朋友，每日都要帶回學校，
直至老師在書上貼上〝已授〞，就不用帶回學校，
另外仲交左本〝兒童日常生活記錄表〞，有時老師沒時間傾計，
就可以睇下了解下阿B今日做過乜，連換左幾多套衫都有寫架！
睇完要簽名，又係要每日帶回學校。

阿B放學幾開心，帶丈丈返屋企添啵！

回到家肥仔與阿B洗白白，我就執行裝，
然後坐阿B最喜歡既巴士去〝奧海城〞，娣婦放工來找我地。

到達〝奧海城〞去買〝麻糬波波〞比阿B食，跟住又去〝Taste〞買野飲。

阿B未食完又想食新既，我唔准要佢食完先有新，見佢細細啖咁食，
我就拎左食一啖，之後比返佢，隔一陣問佢〝請咕媽食得唔得丫？〞，
佢就拎住成舊推晒入我個口到，我唯有食晒！再比舊新佢。

佢食緊舊新既，我就再問佢〝阿B請咕媽食得唔得丫？〞，
佢將口中大半舊拎返出嚟！又係成舊推晒入我個口到，然後佢自己食埋手上半舊。
我真係估唔到佢會咁慷慨請我食，肥仔講返比娣婦聽時，肥仔都話阿B對我好丫！

阿B係冒險樂園玩得好開心。

阿B今餐就真係由頭食到尾，無論湯、小食、飯，以至甜品都有食，
總之我地叫乜就食乜。阿B有〝Pingu〞睇，又有娣婦餵佢，簡直係〝皇帝式享受〞。

食完又好開心自己行，大家都覺得佢好開心，可能食得好滿足，加上有D涼意。