睡得不好

今朝好攰唔願起身，禁熄鬧鐘又瞓過，突然彈起身，望下睡多左5分鐘。夠鐘叫老公起身，佢又要瞓多5分鐘。老公起身後就話我〝你尋晚成晚郁來郁去，成晚弄醒我。〞，我都知自己成晚醒，但唔知郁到你，真係唔好意思。

近日天氣涼，夜晚可以唔開冷氣，但唔開又瞓得不太熟睡，所以呢2晚又開返，開左都睡得不好，都唔知想點？

我搭電梯時，心諗近日肩頸酸痛，有如千斤重，可能呢幾日會落雨，落到樓下真的落雨，我又唔知冇帶傘，所以冒住微雨回家。

我送左阿B返學就眠一眠，因為阿B下午要返〝協康會〞，所以我12點又去接佢回來，眠左肩頸好D。阿B洗白白後就瞓左，我個頭又痛執埋D野又眠一陣，之後等埋娣婦回來就去〝協康會〞。

離開〝協康會〞坐車回到家附近，娣婦就帶埋阿B與肥仔會合，佢地出街食，而我就去趕去買餸，因為已約6點。

首先去左〝百佳〞買牛肉，然後就急步行去街市，因為我唔知收檔未，幸好未收，但菜檔的選擇已不多，尋日剧扒有2隻番茄剩，所以又滾〝排骨番茄薯仔湯〞，又去雜貨舖買榨菜。

今晚呢餐貴，只係牛肉都二十幾蚊，老公話〝百佳〞買緊係貴喇！唔係〝百佳〞買就冇架喇喎！下次夜D都可以煮飯，因為樓下街市咁夜都未收，但剩下的檔口不多，都係多得〝領會〞。明晚不用煮飯，因為有節目。

今日我瞓左2轉都係好短時間，但都發左幾個夢，有時搭車只係15分鐘，我都會睡著發夢架！從小睡著就開始發夢到起身前一刻，醫生都叫我唔好諗咁多，但我都冇咩諗，所以我從來都冇〝優質睡眠〞。