搬屋記@老爺

19 October 2008

今日係老爺搬屋大日子，點少得有老公既好友呢！老公一早約左高佬叔叔來車野，老爺都唔係好多野，所以只係約左開心果姐姐、高達叔叔、熊貓姐姐和至Fit姐姐。

我起身骨痛未退，仲加埋頭痛添！我拎埋〝特強傷風感冒〞藥以防萬一。我地講好十點，係老爺舊屋附近的茶餐廳食早餐，但茶餐廳好多人，所以轉移陣地去〝麥麥〞，老公通知有關人士轉地點，我口淡淡肚餓又唔想吃，只吃左個〝煙肉蛋漢堡〞。

尋晚開心果姐姐BBQ完，再去唱K玩到零晨3點幾，所以頭先老公打去先起身，老公叫佢晏晝才來，但佢堅持要來，若然我尋日又去既話就‧‧‧。

我食完去左〝U-Right〞行下，因為高佬叔叔剛起身，當然2位男士就去老爺舊居與老爺會合。我地4個女士好似師奶咁，不停搵丫搵、摷丫摷，每人買左一件一式一樣背心，但size當然有別喇！熊貓姐姐和至Fit姐姐仲買多2件衫。我地話件背心係制服，一陣搬野時著住，咁就變成一間搬運公司，真係笑死。

老公等到我地來，就分配工作崗位，然後佢與高達叔叔將野搬落樓，天氣好熱，所以老公吩咐我去買飲品給大家。高佬叔叔一到我地就將野搬上車，然後要去老爺朋友家拎雪櫃，貨車只可坐2位乘客，高佬叔叔女朋友和老公跟車，我地有6個人就分2架的士去老爺新居。

我地好快就搬完，然後去食野，再回來執野和打旺個場。老爺想炒餸吃飯，又想啤一啤佢，不過，而且高達叔叔又病緊、老公又唔飲、高佬叔叔要揸車，所以冇叫酒，而大家吃完早餐冇耐，所以都係叫點心吃。

老爺叫左個朋友來，老人家喜歡吃飯，叫左碟〝燒腩仔〞，另外加多碗飯比老爺，而朋友就叫左碟飯，後生既就食點心。老爺細食，所以我地可以品質到，皮脆和一層肥一層瘦既〝燒腩仔〞。最難食就係〝馬蹄糕〞，佢地話好淋，我諗係水多粉少所至。

高佬叔叔與女朋友有地方去，所以冇跟我地回去。回到去執野和打旺個場，我和熊貓姐姐做旁觀，而老公就整個雪櫃和執下野。打左4圈，老爺贏左少少，大贏家係開心果姐姐。

跟住就去熊貓姐姐家繼續，我陪開心果姐姐去烘焙店買〝大菜絲〞，其他人就去買野飲，行到一半老公來電問吃乜？我地要吃夾餅，去到烘焙店冇開舖，我地就去街市買，攪掂就上去熊貓姐姐家，上到去發現佢地買左好多野食。

至Fit姐姐與她的老公剛歐遊回來，以下就係大家既手信，全部都係食得架！但大家太飽吃不下。

晚餐大家都叫外賣吃粥，我係外賣未到，就每人分左尋日我整既〝花生醬雪芳蛋糕〞和〝黑糖軟蛋糕〞，之後就原盒明天拿回娘家。另外，熊貓姐姐既男朋友剛從台灣工幹回來，大家可以品嚐一下台灣皮蛋，佢地話好彈牙。