心底一句話@開心果姐姐

欲知前提請到：試衫體會@減肥

我離遠見到有巴士入站，就立即奔跑去追，我係最後一個上車，落車後又要轉巴士去目的地，雖然，有好多巴士入站，但都唔係我等果架，車站內我諗有好多人與我等同一架車，他們與我一樣都等得不耐煩。

我一陣仲要去拎件衫，怕趕唔切就問老公意見嘞！老公話呢架係等咁耐，仲話會趕得切，講講下車到。嘩~架車full晒！我企左幾個站見上上層有人落車，就趁機上去搵位，但上到去一個位都冇，唔通我要企到總站，好在企左一陣就有人落車。

在車程中開心果姐姐來電已身在香港，若然時間許可，就會回公司放低Notebook和文件。我真係趕得切啵！等攞衫時走去睇下衫和試下衫，件衫啱著，但肥著得唔好睇，試完開心果姐姐就到，付款後又睇下，我地揀衫時聽到售貨員話‧‧‧

售貨員：呢D係孕婦衫。
我：原來呢D係孕婦衫。
開心果姐姐：係咩？(佢四圍望)
我：個售貨員話。
開心果姐姐：係喎！(佢見到個牌)
我：死喇！頭先我仲問佢呢件衫有冇黑色添！佢話得白色。
開心果姐姐：咁你買定先囉！

跟住就行去戲院，我地買左個〝爆谷情侶套餐〞有爆谷和2杯大汽水，我仲同佢講左藏左係我心好耐既一句話，係初相識時開心果姐姐同我講左句野，而家我回應她，佢話點解識左咁耐而家先講？咁平時我地都冇單獨見面，但這不是我的心結其中一個。我地睇8點，但入場前要去〝殊殊〞先，因為片長111分鐘。

今日我地睇〝保持通話〞，我與開心果姐姐都覺得套戲好睇，絕無冷場，雖然，劇情有D係估到，但又有驚險、攪笑位，仲有D位我係被嚇到的，你以為套戲完，但原來仲有下文，真係值得一看。保持通話的官網：http://connected.emp.hk/main.html

我離開戲院就問老公係邊，佢已身在戲院門口等緊我地，原本去〝肯德基〞食，不過十點半close，唯有另覓地方，我地行出商場以外既地方，但好多都closed。最後去左間餐廳，但格焗似茶餐廳，而價錢又唔係好貴，因為佢只係得個主菜，其他野都要加錢先有，呢間野D野食認真麻麻。

西冷牛扒：好鹹，而薯條好硬，硬度似石頭。(我的)
牛柳併帶子：牛柳冇特別，帶子老公切極都切唔到一半比我，我成粒食硬到可以咬崩牙，佢用左炸漿去炸。(老公的)
叉燒帶子拉麵：叉燒係中式的，大家都以為係日式，但佢又冇寫係日式，拉麵唔好吃。(開心果姐姐的)

食完又傾下計，老公想買煙食，所以離開餐廳後就去買煙。