蘿蔔炆牛仔腩@柱侯醬 (內附食譜)

我諗住煎牛仔骨，去到去到凍肉舖睇到〝巴西牛仔腩〞一pack二十蚊鬆D，再睇下牛仔骨，嘩！一pack得3、4塊牛仔骨都係二、三十蚊咁貴，我就選擇買〝巴西牛仔腩〞，加買多盎柱侯醬來炆。

我都好耐冇炆過牛腩類物體，所以我打回家問老豆步驟。我家一向都係用南乳炆，下次再用南乳炆先。

炆既時候聞到好香蘿蔔，總之成煲都好香，我與老公都覺得好味，我問老公十分滿分，呢碟值幾多分？佢話有8分丫！2分扣係肉到，佢話D肉質唔好吃，但我覺肉淋唔錯，要求真係高。

蘿蔔炆牛仔腩@柱侯醬

材料：(2人用)

巴西牛仔腩 (件裝、急凍)          344克

白蘿蔔                                          1斤=597克

薑片                                              2-3片

蔥                                                  1棵

水                                                  750毫升

調味料：

柱侯醬                                          3湯匙

蠔油                                              2 1/2湯匙

老抽                                              1湯匙

冰糖                                              28克

做法：

1.          將巴西牛仔腩用蔥和薑汆水，撈起隔去水份，備用。

2.          燒熱鑊和油，將(1)放入鑊中爆炒。

3.          將調味料除冰糖外，加入鑊中爆香。

4.          將(3)倒入煲內，再加入冰糖和水。

5.          煲滾後收小火炆40分鐘或至淋，即可。

貼士：

l        汆水作用係去除羶味。

l        汆水後若不隔去水份，就要係鑊中爆至表面乾身。

l        水不一定要跟食譜，只要蓋過鑊中食物就可以，但味就要自行加減一下。