誓要訂場@羽毛球

尋日講過今日要早起誓要book到星期五既羽毛球，其實，早起都只不過係早15分鐘，平時都係7點起身，而〝康體通〞早上7點會更新，早少少起身梳洗等待7點來臨。

Book 場
早上7點我第一次登入失敗，咁樣我就好擔心會又撲空，第二次就成功登入，見到晚上十至十一已full，幸好我要既時間仲有。我一向book場入資料時都好緊張，因為怕打錯資料，又錯失機會，大至都算順利。

我發覺而家book場比以前易好多，以前7點坐定定〝康體通〞個網實塞車，不過，今次好快就登入到，從始每星期我就會好努力咁book場架喇！

行路當運動
今朝我〝十五十六〞想湊完阿B返學就回家，係娘家冇野做又係瞓，若然真的回家，咁我就打算來回都行路，路程需約20分鐘，到咁上下就去接放學，咁樣可以減肥和慳返車錢。我問左老公意見，佢都叫我回家，咁我又可以早D買定餸，好就咁決定喇！

我送左阿B返學就起行回家，我娘家附近有壁球場，但係〝康體通〞唔見有，所以我就簡條去到壁球場既路線，見到真係摺左，仲諗住平時自己可以打下波，而家幻滅。

天氣雖涼，但行起來都好熱，邊行邊聯絡熊貓姐姐和阿嫂，因為佢地係我的波友，不過，阿嫂可能不能來，因為11月佢與肥阿哥和2個朋友會去〝北海道〞玩。今次係肥阿哥發起，佢想去影相。我與阿嫂訪傾邊行，有野分心個人都冇咁熱。

一舉兩得
我去街市買餸，返到去就開始煲湯，咁早煲可以出味D，攪掂就着手整〝香蕉糕〞，跟住又食個〝福字米粉〞，又起行接阿B放學。由於買左餸，就唔駛趕住走，我陪阿B睇DVD，睇到5點幾先走。

買戲票
老公放工幫我與開心果姐姐買飛，我地原本諗住網上訂飛，但老公唔想蝕手續費。頭先開心果姐姐來電，明天佢要上大陸開會，所以趕唔切食飯，我就提意買野入去食，但忘記左問食乜添！一陣問過。

今日著住對少跟既鞋行左咁多路，著唔覺痛，一脫掉鞋就知味道，頭先搽左冬青膏唔小心卒左眼，諗住上床閉目，但都唔得要去洗一洗，所以冇著拖鞋，咁就慘喇！腳跟被地上既野〝銀〞到，痛到入心入肺。

今晚又夜食，因為老公夜放，又要幫我地買飛。老公話好肚餓，所以煮左2嘜米，食得好飽個水晶梨又唔吃得。是日晚餐：XO醬炒紹菜、豉椒蒸排骨、無花果湯。今之我又將蒸排骨既水份減少，呢次係最好味，我都改左個食譜架喇！

飯後笑話
老公食完飯睇報紙，而我就用緊電腦，突然問我‧‧‧

老公：我對腳D筋係咪好勁？
我：我睇唔到啵！見到有好多腳毛。
老公：(佢有D不滿咁)
我：我平時問你都係咁答我喇！
老公：D筋喎！(佢擰下對腳)
我：係掛！
老公：我勁過你，係咪要按摩下？
我：‧‧‧(冇理佢擰返轉身)
老公：我上網睇過係要按摩架！

我依然冇理佢，跟住佢成日借D意話〝要按摩〞，我又點忍心唔幫佢按摩丫！只不過我想整晒D野先，好而家去洗碗喇！