雲吞滿瀉@垃圾桶

尋晚我塞住半個鼻來眠，瞓瞓下個人半夢半醒想咳，忍住繼續瞓，都係唔得咳左出來，老公未瞓就叫我食藥，我話唔要就繼續瞓。

今朝咳左聲，喉嚨有D血腥味，而鼻水〝新〞又唔多，塞住係入面，都好過尋日倒流既，而家個垃圾桶都裝滿左我包既〝雲吞〞。

我12點起行行去接阿B放學，然後等埋肥仔放半日假回來，一齊帶阿B去〝協康會〞。老公放夜，所以肥仔就帶阿B去與娣婦會合去食晚飯，而我就去買餸和煲湯。

我離開街市，就開始眼花，回到家加埋頭痛添！唔知係咪頭先係娘家洗左頭，未乾眠左一眠呢？但我冇壓住頭髮瞓，因為從小阿媽就話頭未乾瞓覺會頭痛。骨痛我唔怕，最怕就係頭痛，個人即刻冇心機。頭痛想瞓，但煲緊湯、想洗頭(出左街)，又要整餸，所以計劃擱置。

今晚我冇食飯，只係食餸和飲湯，因為我想睇下，夜食唔食飯會唔會好D。老公見我死死下，食完飯就去洗碗，佢叫我寫埋Blog，再吃藥就要瞓，尋日和今日大部份時間我都係用口呼吸，因為空氣經過個鼻好辛苦。娣婦都有叫我明天休息下，我仲可以，若然明天真係唔得早上話你知。