自我減肥

減肥我想左好耐，一直只是空口講白話，但近日我已經積極左好多。自從老公話十月一日佢要戒煙，又要我戒脂，所以我開始要更加積極。

老公真係好積極戒煙，咁我就以減肥作為佢戒煙既獎品，而我亦都以佢戒煙為我既獎品，咁樣係最好不過喇！

今次減肥不打算跟任何餐單，諗住全靠自己算吧啦！跟餐單都未必有預期效果，而且又有很多限制，有時想飲啖汽水或食下薯片都唔得，所以我諗住做下運動，而係食方面減下份量。

現在每日傍晚6點就會重播〝肥田喜事〞，胡杏兒為這套戲增磅，之後都可以減返，雖然，佢係有纖體公司幫手，但我都有老公戒煙做動力，所以應該冇問題既！

我仲有樣撒手鐧，就係今日剛print左自己最fit既相係當眼處，用來提醒和警惕自己，不容許自己惰懶。

今日我做左30下Sit Up、扭呼拉圈約5分鐘(沒停)、伸展運動和跳左一陣〝健康操〞，夾埋都有約30分鐘架！頭先我先發覺自己柔靭度差左好多，骨頭都硬晒！做咩都要循序漸進，所以要慢慢加上去。

尋晚肥仔叫我食埋隻鳳爪，但我話飽喇！佢反應好出奇，仲話你居然話飽，以前肥仔話我食量比佢大架嘛！唔知係唔係自己潛意式要減肥，所以近日既食量比以前少，亦都會感覺到飽。