戒煙進度

5 October 2008

今日老公由屋企到飲完茶都冇食煙，但一上到去同屋住家見到同屋住和高達叔叔食又忍不住吃了一支。老公話平時係公司冇人食，見唔到就可以全日都唔食。

之後我就打馬吊，老公就睇報紙，然後就遞左份娛樂版比我睇，我只係有時間睇到個標題〝戒煙過急容易致病〞，係以下既報導。

戒煙過急容易致病

陳慧琳婚後計劃火速造人，還勒令老公Alex戒煙，其實此舉有好有壞。中醫張家康指香煙含尼古丁，除有損健康外，更對男性精子有害，他說：『因為食煙會影響心肺功能，你吸入既空氣唔好，咁精子既存活率自然低，對生BB有一定影響。』而且長期吸煙人士易有氣管炎、鼻敏感或哮喘等氣管問題，或會遺傳給小朋友。

張醫師補充謂吸煙雖有害身體，佐尼古丁六有助抑制體內病菌，若煙齡已逾三年者突然全盤戒煙，除容易發胖外，也隨時因缺乏尼古丁抑制病菌而病倒，故戒煙不宜操之過急。

之後老公就向高達叔叔買回一包煙，其後都有食，但比起以前真係少左，今日老公一共吃左6支煙。

我都同老公講過唔可以一下子戒晒架喇！以前我有個朋友不是煙民，只係識食煙，但若果佢想減肥佢就會食煙，因為佢話食左煙就唔多想食野。我以前同事係普通煙民，佢地都話食煙時，係會食少D野，所以希望老公戒煙成功後可以肥返多少就好喇！