試衫體會@減肥

今日阿媽放假，就陪阿公去醫院覆診，咁我就湊阿B返學，放學就由阿媽負責，所以我就叫埋阿婆一齊湊返學，等阿婆拎張接送咭回娘家，然後我就行路回家。天氣比尋日熱，我著左波鞋行得輕鬆，而步履又輕盈。

我見肩頸痛，就唔用電腦，只係執下野、坐下，坐都痛就去眠一眠嘞！我眠到老公食完晏來電。

老公：你瞓覺丫？你唔去食野？
我：係丫，好痛丫！我一陣先去食。
老公：緊係喇！落緊雨。
我：係咩？

我望出窗外地下真係濕架啵！再係床典下先起身，睇電視等夠鐘。我落街去食野，但要去買件衫先，之前肥左D衫唔啱著，我試左件衫，但我要既size冇貨，而我就留左另一件，一陣去戲院附近睇。

我諗住買外賣回去吃，但見自己咁既身世，我叫左堂食，然後去行下，又買左舊飯糰臨出門口前食，因為唔夠時間食野，要睇完戲十點幾先有得食。

從頭先試衫來睇，體會到我真係要加緊和認真地去減，尋日行左咁多路，諗住磅數唔落都唔會升，點知夜食又上升左D，現在要諗一個方案出來，睇下點樣可以來個平衡，我唔可以再比自己咁樣落去~唔可以。我而家要出門口，邊行邊諗計先。