解開了一個心結

在我心中有4個心結和一個大心結，這些心結藏在我心已多年，成日都想去解開，但始終鼓不起勇氣。

今朝心血來潮，想解開心中其中一個心結，我鼓起勇氣寫左一封e-mail比A小姐。佢有2個e-mail address，我send左去佢yahoo address，但我又諗若然佢好似我咁唔係成日check e-mail咪弊！所以再send埋佢另一個address。

突然，電話響起，出乎我意料，係A小姐丫！我簡直開心到彈起，佢話好在我send呢個address咋！yahoo佢好耐先check一次，真係要多謝上天。

我一直以為佢嬲了我，因為我沒有出席她的婚禮，因當天我家中做節，我要作準備，不過，最重要的是我沒對她說，當時我的身體狀況唔許可，其後send SMS又冇覆，但原來都係自己想得太多，A小姐只不過係太忙，而且又生左BB，更加唔得閒。

A小姐的BB女已5個月大，而且有18磅添！阿B都係得二十磅鬆D，佢話就嚟抱唔起佢，而家識坐，但坐得唔太穩，可能後生生既BB真係叻D架！佢話可能係奶粉問題，佢B女係食日本奶粉，由網上訂送到家中，咁又幾好唔駛拎。

大家講下近況，我又交代清楚一切，有時自己又真係多心左D既(諗得太多)，傾完這次電話有如〝如釋重負〞，而家心中還有3個心結和一個大心結未解，我要將它逐一解決，但不能一下子。

從此事又一証明，凡事都要試，唔試又點知唔得呢？但你唔試就一定唔得囉！