老公逃不過@假期返工

今日開始連公眾假期我可以放5日假，因為阿媽今日放假，而下星期一到老公放假，預留那天幫老爺手整野。

尋日老公話佢同事問〝你想星期六定下星期二O.T.？〞，老公心諗若然選星期六，做唔晒隨時星期一冇得放，老公就選擇星期二，但都逃不過今早收到老公通知明天與下星期二都要返工，唉~又要我一個人過。我就此諗住約熊貓姐姐下星期二去行街，但佢已有約，我唯有自己整下餅喇！

晏晝我落買野食、買餸和雞蛋，買蛋預備打後幾日做孤獨老人阿茂整下餅。我唔多明次次去豬肉檔買西施骨，個豬肉老都會斬開一舊舊，平時斬左一、兩下都叫得切，但今日我又要買排骨，佢個身又遮住左，我以為佢斬緊排骨，點知排骨和西施骨都變成一舊舊，次次都被我叫停唔好斬架喇！都唔明人既心意既。

我返到上去覺得個身有D軟，係好似餓過飢果隻，但我又唔係肚餓啵！突然記起南北杏和蜜棗漏買，我又再次落街去藥材舖買。我執好剛才買回來既野，就開餐，食食下又唔想食，食左野個人就好D。

今晚〝豉椒蒸排骨〞係由老公提意既，我想炒菜心，但條條都好粗，我唔喜歡，所以都係炒通菜，再加多個我與老公都鍾意既〝青紅蘿蔔湯〞，咁就Perfect嘞！

頭先娣婦來電肥仔明天要返工，所以我明天與她一齊帶阿B去〝協康會〞上堂，明天1點到回去湊阿B去食晏既地方等娣婦。食飯時肥仔來電，佢問我明天帶阿B返完學有咩做？又問我夜晚出唔出街吃飯？我煲左湯預留埋明晚，佢叫我帶埋出去飲，唔係掛！去肥阿哥到食都得架！老公話唔好，因為佢怕夜放，然後又要趕來，好~就此了結。

老公話個〝青紅蘿蔔湯〞甜得滯，通菜靭，最好吃都係個〝豉椒蒸排骨〞。老公食完飯，我食緊粟米時，老公問我〝我塊面係咪好青丫？〞，我唔知啵！都冇戴眼鏡，雖然，我近視唔係好深，不過，有省光濛上加濛。

今晚咁夜既？做〝蘇 Good〞都未洗完碗，老公入來話幫我洗，我冇理佢拿拿淋洗完出去睇。